فیض حمید 9 مئی ءِ سانحہ ءِ ماسٹر مائنڈ بوتگ، احتساب ءِ عمل وتی منطقی آسر ءَ سر بیت، خواجہ محمد آصف

سیالکوٹ۔13دسمبر  (اے پی پی):وفاقی وزیر دفاع خواجہ محمد آصف ءَ گشتگ کہ گوستگیں روچاں راجی پڑ ءَ بوتگیں وئیل بوت کنت کہ پاکستان ءِ راجدپتر ءَ بے درور انت۔ ملک ءِ راجدپتر ءَ اولی رند ءَ یک ادارگے ءَ چہ وت ءَ احتساب ءِ عمل بندات کتگ ءُ یک مزنیں افسرے ءُ آئی ایس آئی ءِ پیسریگیں سروک ءَ را آمید گس ءِ عمل ءَ پد سزا دیگ بوتگ کہ آ نزیک ءَ 15 ماہ ءَ برجاہ بوتگ کہ اے یک غیر معمولی ءُ تاریخی گامگیجے ۔ اے ھیالانی درشانی آئی ءَ سیالکوٹ ءَ میڈیا ءَ گوں تران کنان ءَ کت۔ آئی ءَ گیش گوشت کہ اے معاملہ ءِ تہ ءَ گیشتر الزام ءُ کانودی تک ءُ پھنات است انت کہ ایشی ءِ سر ءَ کارروائی کنگ بیت ءُ ایشی ءَ را بازیں وھد ءُ پاس نہ لوٹ ایت۔ خواجہ محمد آصف ءَ گوشت کہ گوستگیں وھد ءَ سرکاری مینڈیٹ ءِ وسیلگ ءَ اقتدار ءَ اتکگیں سروکی یک منظم سازش ءِ چیر دستی ءَ نزور کنگ بوتگ، نواز شریف ءَ را ھچ وڑیں سرجمیں عدالتی عمل ءِ ھست نہ بوھگ ءِ سبب ءَ کیس آنی تہ ءَ ھوار کنگ بوتگ، زندان ءُ جلاوطنی ءِ آماچ بوتگ، آئی ءِ کھول، کارکن ءُ پارٹی ءِ سروکی نشانگ جوڑ کنگ بوتگ ءُ اے درست یکیں منصوبگ ءِ بھر بوتگ ءُ یکیں ھیال ءِ بھر بوتگ۔ آئی ءَ گوشت کہ بندات ءَ منصوبگ ءِ بانی تحریک انصاف ءِ پُشت ءَ جتا جتائیں عناصر سرگرم بوتگ اَنت، لاہور ءَ اولی جلسہ ءِ بندوبست ھم ھمے نادیدگیں دستاں کتگ، البت وھدے اے منصوبگ ءِ سرجمیں رنگ ءَ عمل کنگ بندات بوتگ گڑا ایشی ءِ مول ءُ مراد نواز شریف ءَ را دور کنگ ءُ بانی تحریک انصاف ءَ را اقتدار ءَ آرگ بوتگ۔ آئی ءَ گوشت کہ اے منصوبگ ءِ عملی بندات ءِ بنگیج فیض حمید ءَ کتگ۔ وزیر دفاع ءَ گشتگ کہ 2018 ءِ گچین کاری ءَ ہرچی کہ بوتگ درستانی دیم ءَ انت ءُ بانی تحریک انصاف فیض حمید ءِ نگرانی ءَ اقتدار ءَ آرگ بوتگ ۔ آئی ءَ گوشت کہ گوستگیں چار سال آنی تہ ءَ ملک ءِ گوما ھما سیاسی ءُ ریاستی ٹولی ءِ تہ ءَ بانی تحریک انصاف ءُ فیض یک ءِ دومی ءِ شریک بوتگ انت ءُ پاکستان ءَ را تباہی ءِ کش ءَ آورتگ۔ فیض حمید ءِ وسیلگ ءَ سیاسی دباؤ، مالی وسیلہ ءُ جتاجتائیں آسراتی پجاری کنگ بوتگ انت ءُ بانی تحریک انصاف ءَ را مُدام کمک کنگ بوتگ۔ خواجہ محمد آصف ءَ گوشت کہ فیض حمید ءِ سر ءَ سنگینیں الزام ھست انت ایشی ءِ تہ ءَ ٹاپ سٹی کیس ھم ھوار انت کہ ایشی ءِ تہ ءَ گاڑی آنی قبضہ، منصوبگ آنی زوراکی ءَ قبضہ ءِ وڑیں الزام ھوار انت کہ اے پاکستان ءِ راجدپتر ءِ شرمندگی ءِ باب انت۔ آئی ءَ گوشت کہ اے درستیں گامگیج آنی پُشت ءَ ھمے سوچ ءُ ھمے ذھن اِنت کہ ایشی ءِ تہ ءَ نواز شریف ءَ را کیس آنی تہ ءَ ھوار کنگ، زندان ءُ جلاوطن کنگ، آئی ءِ کھول، کارکن ءُ پارٹی ءِ سروکی ءَ نشانگ جوڑ کنگ ھوار اَنت۔ پد ءَ وھدے کہ اے بیساکھی یک پہ یک ءَ چہ رُستگ ءَ لگ اِت اَنت گڑا جتا جتائیں پڑاں اقتدار ءِ رکّینگ ءِ جھد کنگ بوت، تانکہ کور کمانڈر ءِ پڑ ءَ چہ ھم کمک ءِ جھد کنگ بوت۔ خواجہ محمد آصف ءَ گوشت کہ وھدے اے درستیں راہ ناکام بوت انت گڑا 9 مئی ءِ سانحہ ءِ دیم ءَ آرگ بوت کہ ایشی ءِ ماسٹر مائنڈ فیض حمید بوتگ ءُ ایشی ءِ سرجمی ءَ پیسر ءَ چہ منصوبہ بندی کنگ بوتگ۔ آئی ءَ گوشت کہ اے پاکستانی سلاہ بندیں اُرد ءُ ریاست ءَ را تاوان دیگ ءِ یک منظمیں منصوبگ ات، ایشی ءِ چیر دستی ءَ ھاسیں رنگ ءَ پنجاب ءُ خیبر پختونخوا ءَ تباہی ءُ بربادی شنگ ءُ تالان کنگ بوت۔ آئی ءَ گوشت کہ 9 مئی یک انچیں وئیل اِنت کہ آئی ءِ تہ ءَ پاکستانی سلاھبند ءِ بامرد ءُ شھید آنی یاتگار آنی گوما بے شرپیں چار ءُ تپاس کنگ بیتگ، اگاں چہ ھمے یکیں پوج، ھمے فضائیہ ءُ پوج ھمک گرانیں وھد ءَ قربانی دیگ ءَ راج ءِ سر ءَ بُرز کنگ ءَ بوتگ اَنت۔ وفاقی وزیر دفاع ءَ گوشت کہ پاکستان ءِ 78سال ءِ راجدپتر ءَ فیلڈ مارشل عاصم منیر ءِ سروکی ءَ آپریشن بنیان مرسوس ءِ شکل ءَ سوبمندی ءُ استحکام ءِ ھچ وڑیں مثال نیست۔ آئی ءَ گوشت کہ آرمی، رینجرز ءُ ایئر فورس ءَ وتی ذمہ واری آنی پیشہ وارانہ رنگ ءَ پیلو کتگ راجدپتر ءِ یک رژنائیں باب ءِ انت۔ آئی ءَ گوشت کہ فیض ءُ بانی ابھینندن ءِ گرگ ءِ سر ءَ ترس ءَ لرزگ ءَ اتنت ءُ اگاں اے گِر ءُ دار بوتیں گڈا اے گپ ءِ ھیال کنگ ھراب انت کہ پاکستان ءِ سر ءَ چے بوتگ ات۔ خواجہ محمد آصف ءَ گوشت کہ آ راج ءَ را دل یکیمی کناں کہ اے سلسلہ ادا آسر نہ بیت ءُ پاکستان ءِ دژمن آنی احتساب وتی منطقی آسر ءَ سر کنگ بیت۔ آئی ءَ گوشت کہ ھما مردم کہ وتی طاقت، طاقت ءُ اگدہ ءِ واستہ ملک ءَ داؤ ءَ ایر کن انت آ پاکستانی گشگ ءِ لائق نہ انت۔ اگاں خدا مہ کنت اے وڑیں عناصر سرجم ءَ احتساب کنگ مہ بنت گڑا آ ہچبر پاکستان ءِ نیک راھی ثابت نہ بنت۔