مئی ءِ واقعہ ایوک ءَ یک اتفاقے نہ بوتگ انت بلکیں یک جوانیں منصوبہ بند ءُ جوانیں ھیال ءُ لیکہ ءِ سازش بوتگ انت کہ ایشی ءِ وسیلگ ءَ پاکستان ءِ سیکورٹی ءُ ریاستی ادارہ نشانگ جوڑ کنگ بوتگ انت، ریلوے ءِ وفاقی وزیر حنیف عباسی

راولپنڈی۔13دسمبر  (اے پی پی):ریلوے ءِ وفاقی وزیر حنیف عباسی ءَ گوشت کہ 9 مئی ءِ وئیل ایوک ءَ یک اتفاقے نہ بوتگ بلکیں یک جوانیں منصوبگ بند ءُ جوانیں رنگ ءَ جیڑگ بوتگیں سازش ءِ بوتگ کہ ایشی ءِ وسیلگ ءَ پاکستان ءِ سیکورٹی ءُ ریاستی ادارگ نشانگ جوڑ کنگ بوتگ اَنت۔ اے ھیالانی درشانی آئی ءَ ایوب نیشنل پارک ءَ راولپنڈی چیمبر آف کامرس اینڈ انڈسٹری ءِ نیمگ ءَ برجم داشتگیں سئے روچی فوڈ فیسٹیول ءِ بنگیج ءَ گوں تران کنان ءَ کت۔ وفاقی وزیر ءَ راولپنڈی چیمبر آف کامرس اینڈ انڈسٹری ءِ کرد ءَ را ساڑات ءُ گوشت کہ چیمبر نہ ایوک ءَ کاروباری برات ءِ جیڈھ آنی گیواری ءَ سرگرم اِنت بلکینگ ءَ راجی، دود ءُ ربیدگی ءُ جوانیں چست ءُ ایر آناں دیمروئی دیگ ءَ ھم مزنیں کردے پیلو کنگ ءَ اِنت۔ آئی ءَ صدر، سینئر نائب صدر، نائب صدر ءُ چیمبر ءِ سرجمیں ٹیم ءَ را فوڈ فیسٹیول ءِ سوبمندیں برجم دارگ ءِ ھاتر ءَ مبارکی دات۔ حنیف عباسی ءَ گوشت کہ ٹیکس ءِ کمی، توانائی ءِ بحران ءُ بجلی ءِ شرح ءِ وڑیں ھاسیں جیڈھ آنی سر ءَ راولپنڈی چیمبر ءِ موثر ءُ متحرک کرد ستا کرز انت۔ آئی ءَ گوشت کہ چیمبر حکومت ءُ ھمگرنچیں ادارگ آنی گوما دائمی رابطہ داری ءَ گوں کاروباری برات آنی رکھینگ ءُ ملکی معیشت ءَ را گہتر کنگ ءِ واستہ گامگیج کنگ ءَ انت۔ آئی ءَ گوشت کہ اے فوڈ فیسٹیول ءِ سرجمیں کریڈٹ راولپنڈی چیمبر آف کامرس ءَ را رسیت کہ آ ہر سال جوانیں، جوڑیشت ءُ الس دوستیں کار آنی بندوبست ءَ کنت۔ وفاقی وزیر ءَ گوشت کہ فوڈ فیسٹیول پاکستان ءِ نرمیں امیج ءَ را پدر کنگ ءَ ھاسیں کرد پیلو کنگ ءَ انت ءُ اے چست ءُ ایر نا ایوک ءَ ملک ءِ اندر ءَ بلکینگ ءَ جھان ءِ تک ءَ پاکستان ءِ بابت ءَ جوانیں کلوہ دیگ ءَ انت۔ آئی ءَ گوشت کہ فوڈ فیسٹیول ءَ بھر زوری ءَ چہ پد درملکی سفارتکار پاکستان ءِ جوانیں تاثر ءَ وتی وتی ملک آناں سر کن اَنت۔ پاکستان ءَ ایوک ءَ ناشرکاری ءَ گوں ھمگرنچ کنگ راست نہ اِنت بلکینگ ءَ دگنیا ءَ را وتی دود ءُ ربیدگ، مہمان داری ءُ جوانیں تک ءُ پھناتانی بابت ءَ رژنائی دیگ ھم راست نہ اِنت۔ حنیف عباسی ءَ یک جُستے ءِ پسو ءَ گوشت کہ تحریک انصاف ءِ بانی ءِ بیانیہ راجی مفاد، راجی سلامتی ءُ ریاستی ادارگ آنی ھلاپ اِنت۔ آئی ءَ گوشت کہ اقتدار ءِ لالچ ءَ ملک ءِ یکوئی داؤ ءَ ایر کنگ بوتگ ءُ 9 مئی ءَ شہید آنی یادگار آنی سر ءَ ھرابکاری کنگ بوتگ، کور کمانڈر ہاؤس ءُ جی ایچ کیو ءِ سر ءَ اُرش کنگ بوتگ۔ آئی ءَ گوشت کہ اے ھما سازش ات کہ دژمن ءَ مدام لوٹ اتگ ات ءُ آئی ءَ گوں اندری ءُ درائیں دست ءُ دپ ءَ عملی شکل زرتگ ات، ایشی ءِ ثبوت، فون کال ءُ منصوبہ بندی درست ریکارڈ ءَ انت۔ ریلوے ءِ وفاقی وزیر ءَ گوشت کہ دفاعی اُرد ءِ سروک فیلڈ مارشل سید عاصم منیر ءِ سروکی ءَ پاکستان ءِ سلاہ بندیں اُرد ءَ چہ دہ رند ءَ مزنیں دژمن ءَ را راجدپتری شکست دات، ایشی ءَ را سرجمیں دگنیا من ایت۔ آئی ءَ گوشت کہ شھید آنی قربانی آنی برکت ءَ مرچی سرجمیں دگنیا ءَ پاکستان زند ءِ نعرہ چست کنگ بوھگ ءَ انت ءُ راج ءَ وتی قوت آنی سر ءَ پھر انت ۔ آئی ءَ گیش گوشت کہ پاکستان ءِ مھکمیں ریاستی ادارگ آناں یک رندے پدا وتی مھکم ءِ درشان کتگ ءُ سرجمیں آسراتی دیوک کانود ءِ دست ءَ آیگ ءَ اَنت۔ ریلوے شوبگ ءِ بابت ءَ گپ ءُ تران کنان ءَ حنیف عباسی ءَ گوشت کہ اے شوبگ ءَ ٹیم ورک ءِ وسیلگ ءَ گہتری آرگ بوھگ ءَ انت ءُ الس ءَ را گہتریں آسراتی پجاری ءِ واستہ عملی گامگیج کنگ بوھگ ءَ انت۔ زانگ بہ بیت کہ ایوب نیشنل پارک ءَ جاری فوڈ فیسٹیول ءَ مزنیں کساسے ءَ شہری ھاسیں رنگ ءَ ھاندان بے ترس ءُ بیم ءُ ھترہ ءَ بھر زورگ ءَ اَنت وھدے کہ جتا جتائیں اسٹال، روایتی وردن ءُ تفریحی کار لس مھلوک ءِ دلگوشی ءِ مرکز ءَ ھست اَنت۔