پاکستانی معیشت ءِ تہ ءَ استحکام پائیدار دیمروئی ءِ نیمگ ءَ یک جوانیں گامگیج اِنت، کاروباری براتی ءِ کمک ءَ ملک ءَ را معاشی رد ءَ دیم ءَ برگ بیت۔ محمد اورنگزیب

لاہور۔13دسمبر  (اے پی پی):وفاقی ھزانگ ءِ وزیر سینیٹر محمد اورنگزیب ءَ گوشت کہ مزن وزیر محمد شہباز شریف ءِ سروکی ءَ پاکستانی معیشت ءِ تہ ءَ استحکام پائیدار دیمروئی ءِ نیمگ ءَ جوانیں گامگیج اِنت۔ حکومت ءِ گہتری ی گامگیج آنی آسر ءَ بنجاہی صنعت آناں دیمروئی دیگ بوتگ، ایشی ءَ چہ پیداواری شوبگ ءَ ریکوری ءِ عمل ءَ را ترند کنگ بوتگ ءُ اقتصادی اشاریہ آنی تہ ءَ ھم مزنیں گہتری بوتگ۔ کاروباری براتی ءِ کمک ءَ ملک ءَ را معاشی رد ءَ دیم ءَ برگ بیت۔ آئی ءَ اے ھیالانی درشانی شمبے ءِ روچ ءَ لاہور چیمبر آف کامرس اینڈ انڈسٹری ءِ نیمگ ءَ برجم داشتگیں آل پاکستان چیمبرز کانفرنس ءَ گوں بنجاہی ہوٹل ءَ گشتانک دیان ءَ کت۔ وفاقی وزیر خزانہ ءَ گوشت کہ آٹومیٹک نظام ءَ ٹیکس ءِ جم کنگ ءِ تہ ءَ شفافیت آورتگ، ءُ ٹیکس دہندگانی آسراتی پجاری ءَ چہ حکومت ءِ سر ءَ آھانی بھروسہ گیش بوتگ۔ آئی ءَ گوشت کہ ٹیکس ءِ نظام ءَ شفافیت ءِ واستہ این ایف سی ایوارڈ ءِ ھوالگ ءَ گوستگیں ھپتگ ءَ برجم داشتگیں دیوان ءَ چاریں صوبگ آنی بنجاھی وزیر ءُ ھزانگ ءِ وزیر آناں بھر زوری کت۔ گند ئُُ نند ئَ صوبہ آں شَور ئَ دیم ئَ جنئگ ئِ سرا تپاک کنگ بوت۔ آئی ءَ گوشت کہ این ایف سی ءِ 8 گروپ آنی تہ ءَ چہ دو فیڈریشن ءِ گوما انت ءُ 6 صوبہ آنی گوما انت۔ وفاقی وزیر ءَ گوشت کہ ادارگ آنی تہ ءَ حکومتی مداخلت ءَ را کم کنگ بوھگ ءَ انت۔ آئی ءَ گوشت کہ پرائیویٹ سیکٹر ءَ را ملکی معیشت ءَ را مھکم کنگ لوٹ ایت، آئی ٹی سیکٹر ءِ کارکردگی سک باز جوانیں رنگ ءَ کنگ ءَ انت۔ آئی ءَ گوشت کہ ٹیکسٹائل ءَ ھوار ایندگر شوبگ ھم برآمدات ءَ را دیمروئی دیگ ءِ واستہ وتی کرد ءَ پیلو بہ کن اَنت، اے سال ءَ زرّ دیم دیگ ءِ 43ارب ڈالر ءَ چہ گیش بوھگ ءِ امکان اِنت۔ اگاں مزنیں صنعت کار دیم ءَ مہ اتک انت گڈا ملک ءَ درملکی سرمایہ کاری نئیت ۔ وفاقی وزیر ءَ گوشت کہ بی آئی ایس پی ءِ بجٹ ءَ 27درسد گیش کنگ بوتگ۔ آئی ءَ گوشت کہ 24 سرکاری ادارگ نجکاری کمیشن ءِ دست ءَ دئیگ بوتگ انت۔ نجکاری ءِ ھوالگ ءَ سوداگراں چہ لوٹ کتگ کہ آ حکومت ءِ گوما کمک بہ کن اَنت۔ وفاقی وزیر ءَ گوشت کہ حکومت کاروباری برات ءِ جیڈھ آناں گیواری ءِ واستہ تیار انت۔ محمد اورنگزیب ءَ گوشت کہ اگاں مہنگائی کم بہ بیت گڈا پالیسی ءِ شرح ءَ را گیش کم کنگ بیت، کاروباری برات ءِ کمک ءَ ملک ءَ را معاشی رد ءَ دیم ءَ برگ بیت۔ ٹیرف ءِ رژیم ءِ ھم زوت جار جنگ بیت۔ وفاقی وزیر خزانہ ءَ گوشت کہ کراچی چیمبر ءِ ماڈل ءِ رد ءَ لاہور چیمبر ءَ پٹ ءُ پولی سیل جوڑ کنگ بہ بیت، ءُ حکومت ملک ءِ معیشت ءِ کمک ءِ واستہ سوداگر آنی سرجمیں کمک ءَ بہ کنت۔ محمد اورنگزیب ءَ گوشت کہ ورنا کاروباری مردم آنی واستہ جوانیں چاگرد حکومت ءِ اولی ترجی اِنت ایشی ءَ چہ کسانیں ءُ میاں اوستمانی صنعت آنی تہ ءَ روزگار ءِ نوکیں موہ پیداک بنت۔ آئی ءَ گوشت کہ ڈیجیٹل اکانومی ءُ ای کامرس ءَ چہ کاروباری چست ءُ ایر آنی تہ ءَ گیشی بوتگ، وھدیکہ برآمدی صنعت آنی تہ ءَ گہتری ءَ چہ درملکی زر ءِ تہ ءَ ھم گیشی بوتگ۔ وفاقی وزیر خزانہ ءَ گوشت کہ حکومت ءِ گہتری ی گامگیج آنی آسر ءَ بنجاہی صنعت آناں دیمروئی دیگ بوتگ، ایشی ءَ چہ پیداواری شوبگ ءَ ریکوری ءِ عمل ءَ را ترندی داتگ ءُ اقتصادی اشارہ آنی تہ ءَ ھم مزنیں گہتری بوتگ۔ آئی ءَ گوشت کہ کاروبار ءِ تہ ءَ دیمروئی بوتگ ءُ معیشت ھما وھد ءَ مھکم بوتگ کہ سرمایہ کار ءُ تاجر آنی حکومت ءِ کاروبار دوستیں پالیشی آنی سر ءَ پدا دل یکیمی بوتگ۔ ایشی ءَ چہ پیسر لاہور چیمبر ءِ صدر فہیم الرحمن سہگل ءَ وش اتکی گشتانک دات۔ سارک چیمبر ءِ نائب صدر میان انجم نثار ءُ ایندگر گشتانک دیوکاں ھم کانفرنس ءَ گشتانک دات۔ اے موہ ءِ سر ءَ لاہور چیمبر ءِ صدر ءِ نیمگ ءَ وفاقی وزیر ءَ را شیلڈ ھم دات۔