علی گڑھ انسٹی ٹیوٹ ءِ نیمگ ءَ 5می گریجویشن ءِ مراگش ءِ بندوبست کنگ بیت، ایشی ءِ تہ ءَ وفاقی وزیر ڈاکٹر خالد مقبول صدیقی ءِ ھاسیں بھر زوری کنگ بیت

کراچی۔ 13 دسمبر (اے پی پی):علی گڑھ انسٹی ٹیوٹ آف ٹیکنالوجی ءِ نیمگ ءَ پنچمی گریجویشن مراگش ءِ برجم دارگ بوتگ کہ ایشی ءِ تہ ءَ جتا جتائیں شعبہ آنی 555 ءَ چہ گیش نودربر آناں ایسوسی ایٹ انجینئر ءِ ڈپلومہ دیگ بوتگ۔ شمبے ءِ روچ ءَ جاڑی بوتگیں بیان ءِ رد ءَ ھما نودربراں کہ وتی وتی پڑ ءَ جوانیں کارکردگی پیش داشتگ آھاں اولی، دومی ءُ سیمی نمبر ءِ واستہ بالترتیب گولڈ، سلور ءُ برونز میڈل دیگ بوتگ۔ علی گڑھ انسٹی ٹیوٹ آف ٹیکنالوجی ءِ پنچمی گریجویشن مراگش ءَ گوں تران کنان ءَ وفاقی وانگ ءُ زانگ ءِ وزیر ڈاکٹر خالد مقبول صدیقی ءَ گوشت کہ اے ادارگ یک سد سالی نیت ءِ گوما بندوک اِنت، اے ادارگ ءِ بُن ھشت سر سید احمد خان ءِ وژن ءِ رد ءَ ایر کنگ بوتگ۔ آئی ءَ گوشت کہ تکنیکی وانگ ءُ زانگ مرچیگیں دگنیا ءِ مستریں لوٹ انت۔ پاکستان ءِ تہ ءَ 35 سال ءَ کمیں مردمانی آبادی 160 ملین ءِ کساس ءَ اِنت کہ چہ بازیں ملکانی کلیں آبادی ءَ گیش اِنت۔ آئی ءَ گوشت کہ اے تیز رفتاریں دنیا ءَ ھرچی بدل کتگ۔ اگاں ما وت ءَ بدل مہ کنیں گڑا چہ در ءَ آیوکیں بدلی مارا بدل کنت۔ اے علمی معیشت ءُ مصنوعی ذہانت ءِ دور اِنت۔ آئی ءَ چین ءِ مزنیں آبادی ءِ ھم تیزیں راجی دیمروئی ءِ چیلنج آنی رد ءَ حوالہ دات ءُ مئے آبادی ءَ را یک ارزشتی ایں وسیلگ ءِ رنگ ءَ کارمرد کنگ ءِ ضلورت ءِ سر ءَ زور پر دات۔ اے موہ ءِ سر ءَ اے آئی ٹی ءِ گورننگ باڈی ءِ چیئرمین ءُ سر سید یونیورسٹی آف انجینئرنگ اینڈ ٹیکنالوجی ءِ چانسلر محمد اکبر علی خان ءَ 1989 ءَ اے آئی ٹی ءِ جوڑیشت ءَ چہ الیکٹرانک ٹیکنالوجی ءِ تہ ءَ پروگرام ءِ گوما بندات کتگ ءُ مرچی 2019 ءَ ایڈموشن ءِ بابت ءَ ایڈومیشن ءِ بابت ءَ اے آئی ٹی ءِ نیمگ ءَ چہ وشیں پیشرفت ءِ سر ءَ دل یکیمی ءِ درشانی کتگ۔ آئی ءَ گوشت کہ ادارگ ءِ نودربر چین ءِ تانگ انٹرنیشنل انسٹی ٹیوٹ ءِ گوما یک معاہدے ءِ رد ءَ وانگ ءِ واستہ چین ءَ شتگ انت۔ اے گپ زانگ لوٹیت کہ اے آئی ٹی ءِ پنچ نودربراں سرجمیں سندھ ءَ سرجمیں پوزیشن زرتگ ءُ اے سال ءَ انسٹی ٹیوٹ ءِ سی ءُ پنچ سالی راجدپتر ءِ تہا ریکارڈ ٹوٹ اتگ کہ اے آئی ٹی ءِ پروگرام آنی سر ءَ گیش بوھوکیں اعتماد ءِ درشان اِنت۔ اے موہ ءِ سر ءَ ذاکر علی خان فاؤنڈیشن ءِ چیئرپرسن بانُک ایرام اکبر علی ءَ فاؤنڈیشن ءِ نیمگ ءَ نودربر آناں 10 اسکالرشپ دئیگ ءِ جار جت۔ اے موہ ءِ سر ءَ سندھ بورڈ آف ٹیکنیکل ایجوکیشن ءِ چیئرمین پروفیسر مشرف علی راجپوت، اے آئی ٹی ءِ کنوینر سید محمد محسن کاظم، اے آئی ٹی ءِ گورننگ باڈی ءِ باسک اسلم شاہ خان، لبزانکی آرٹ ءُ کلچر فورم ءِ کنوینر طارق سبزواری ءَ ھم گپ جت۔ ایشی ءَ چہ پیسر پرنسپل شاہد جمیل ءَ اے آئی ٹی ءِ کارکردگی ءُ دیمروئی کارانی بابت ءَ یک جامع ءُ متاثر کنیں پریزنٹیشن داتگ۔ مراگش ءِ تہ ءَ امیبا ءِ جنرل سیکرٹری ڈاکٹر جعفر نظیر عثمانی، امیبا ءِ مزنیں باسک عادل عثمان، امیبا ءِ نائب صدر عادل عسکری، کمپیوٹر سائنس ءِ شعبہ ءِ چیئرمین ڈاکٹر کاشف شیخ، ڈائریکٹر انفارمیشن ٹیکنالوجی، عبدالمعید خوام خان، عبدالمعید خامہ خان ھوار اتنت۔ ایگزیکٹو کمیٹی ءِ باسک محمد آثار خان، قاضی نعمان مجاہد، نفیس ربانی، عدنان ظہور، علیرین نوشابہ تسلیم، مسعود عالم ءُ دگہ بازیں مردم ھوار اتنت۔