مزن وزیر شہباز شریف ءَ پاکستان بار کونسل ءِ گچین کاری لاہور ءَ ھاسیں اکثریت ءِ ھاتر ءَ انڈیپنڈنٹ گروپ ءَ را مبارکی

لاہور۔13دسمبر  (اے پی پی):مزن وزیر محمد شہباز شریف ءَ پاکستان بار کونسل ءِ گچین کاری ءَ ھاسیں اکثریت ءِ گرگ ءِ پد ءَ آزات گروپ ءَ را مبارک بات داتگ۔ مزن وزیر ءَ احسن بھون ءُ اعظم نظیر تارڑ ءَ را پاکستان بار کونسل ءِ باسک گچین بوھگ ءِ پد ءَ مبارکی داتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ آزات گروپ ءِ سوبمندی ءُ سرجمیں پاکستان ءَ ھاسیں اکثریت ءِ پچ کنگ ءِ پد ءَ احسن بھون ءُ اعظم نظیر تارڑ ءَ را مبارک بات داتگ۔ مزن وزیر شہباز شریف ءَ گوشت کہ انڈیپنڈنٹ گروپ ءِ سر ءَ قانود ءِ براتی ءِ بھروسہ اے گپ ءِ ثبوت انت کہ وکیل وتی جیڈھ آنی گیواری ءُ آئین ءُ کانود ءِ برتری ءِ واستہ سنگین ءُ ذمہ واریں سروکی ءِ لوٹ ءَ کنگ ءَ انت۔ وزیر قانود اعظم نظر تارڑ مدام قانونی چاگرد ءِ جیڈھ آنی گیواری ءِ واستہ کوشست کنگ ءَ انت ۔ آئی ءَ مدام وزیر قانود ءَ را پنت ءُ شون کتگ کہ آ نہ ایوک ءَ وکیل آنی گوما رابطہ ءَ بہ بیت بلکیں آ وکیل آناں وتی حق آنی پجارینگ ءِ تہ ءَ اولویت ءِ بنیاد ءَ کرد پیلو بہ کن اَنت۔ حکومت قانونی چاگرد ءَ را ریاست ءِ یک ھاسیں ستونے لیکیت۔ بار ءُ بنچ ءِ نیام ءَ ھمگرنچی ءَ را مھکم کنگ ءِ ھاترا ھرچ وڑیں کمک برجاہ دارگ بیت۔