فیلڈ مارشل سید عاصم منیر گجرانوالہ ءُ سیالکوٹ گیریژن ءِ تر ءُ تاب

راولپنڈی۔13دسمبر  (اے پی پی):اُرد ءِ سروک ءُ دفاعی اُرد ءِ سروک سید عاصم منیر ءَ گوشت کہ پاکستان ءِ سلاہ بندیں اُرد ءِ سرجمیں دلگوشی تہی ءُ درائیں چیلنج آنی سر ءَ اِنت، ایشی ءِ تہ ءَ دژمن ءِ ھائبرڈ مہم، انتہا پسندی ءِ نظریات ءُ راجی استحکام ءُ تپاکی ءِ سبب جوڑ کنگ ءِ کوشست ھوار اَنت۔ نوکیں جنگ ءِ ھاترا چست ءُ ایر، درستی، سرجمیں جاور ھال ءِ سرپدی ءُ ترندیں پیسلہ کنگ ءِ لوٹ اِنت۔ آئی ایس پی آر ءِ نیمگ ءَ شمبے ءِ روچ ءَ جاڑی بوتگیں پریس ریلیز ءِ رد ءَ فیلڈ مارشل سید عاصم منیر (نشان امتیاز ملٹری، ایچ جے، چیف آف آرمی اسٹاف ءُ چیف آف ڈیفنس فورسز) ءَ گجرانوالہ ءُ سیالکوٹ گیریژن ءِ تر ءُ تاب کتگ۔ رسگ ءِ وھد ءَ آئی ءَ را فارمیشن ءِ آپریشنل تیاری ءُ جنگی صلاحیت ءَ را مھکم کنگ ءِ ھاترا کلیدی گامگیج آنی بابت ءَ سرپدی دیگ بوت۔ فیلڈ مارشل ءَ فیلڈ ٹریننگ ءِ مشق ءُایڈوانسڈ سمیلیٹر ٹریننگ ءِ آسراتی ءِ سرا چمشانک داتگ ءُ جوڑیشت ءِ مزنیں کزبی کد ءُ بالاد ءُ سرجمیں تیاری ءِ سرا ستا کرتگ۔ ٹیکنالوجیءِ ارزشت ءِ سر ءَ زور پر دیان ءَ آئی ءَ گوشت کہ نوکیں جنگ ءِ واستہ چست ءُ ایر، درستی، جاور ھال آنی سر ءَ سرپدی ءُ ترندیں پیسلہ کنگ ءِ لوٹ اِنت۔ افسر ءُ سپاھیگ آنی گوما گپ ءُ تران ءِ ساھت ءَ چیف آف آرمی اسٹاف ءُ چیف آف ڈیفنس فورسز ءَ راجی سلامتی ءِ واستہ آوانی مزنیں حوصلہ ءُ مھکمیں جزم ءِ توسیپ کت وھدیکہ سخت ءُ مشن ءِ سر ءَ مبنی تربیت ءِ ارزشت ءِ سر ءَ زور پر دات۔ آئی ءَ اے گپ ءِ سر ءَ زور پر دات کہ پاکستانی اُرد ءِ سرجمیں دلگوشی تہی ءُ درائیں چیلنج آنی سر ءَ اِنت ایشی ءِ تہ ءَ دژمن ءِ ہائبرڈ مہم، انتہا پسندی ءِ نظریات ءُ راجی استحکام ءُ تپاکی ءِ چیز آنی  ھلاس کنگ ءِ کوشست ھوار اَنت۔ ایشی ءَ چہ پیسر گجرانوالہ ءَ سر بوھگ ءَ پد چیف آف آرمی اسٹاف ءُ چیف آف ڈیفنس فورسز ءَ را کور کمانڈر گجرانوالہ ءَ وش آتک کتگ۔