1971 ءِ کسہ، غازی آنی زبان ءَ

اسلام آباد۔13دسمبر  (اے پی پی):پاک فوج ءِ لیفٹیننٹ کرنل (ریٹائرڈ) سلمان بیگ ءَ گوشت کہ 1971 ءِ جنگ ءَ پاک فوج ءِ سپاھیگاں رودراتکی ءُ روکپتی محاذ ءِ سر ءَ بہادری ءِ بے مَرگیں داستان جوڑ کتگ اَنت۔ مہر پور، جیسور سیکٹر ءَ مئے یونٹ ءَ 100 ہندی سپاھیگ کُشتگ ءُ 13 سپاھیگ گپتگ۔ 1971 ءِ جنگ ءِ کسہ ءَ بیان کنان ءَ آئی ءَ گوشت کہ 1971 ءَ بھارت ءَ مشرقی پاکستان ءِ سر ءَ اُرش کنان ءَ جنگ بندات کتگ۔ منی یونٹ پدا جیسور سیکٹر مہر پور ءَ جاہ منند ات۔ 1971 ءِ جنگ ءِ وھد ءَ من ءَ چارلی کمپنی ءَ پوسٹ کنگ بوت۔ لیفٹیننٹ کرنل سلمان بیگ (ریٹائرڈ) ءَ گشتگ کہ چارلی کمپنی ءِ کمانڈر میجر زاہد اسلام انتہائی دلیر ءُ بے ترس بوتگ۔ دسمبر ءَ بریگیڈ کمانڈر ءُ کمانڈنگ افسر ءَ ھال دات کہ ھندی لشکر کشتی ءِ دمگ ءِ نیمگ ءَ اُرش کنگ ءَ کیت۔ ما ھما نیمگ ءَ روگ بندات کت کہ چہ اودا ھندی لشکر ءَ اُرش کتگ۔ لیفٹیننٹ کرنل (ریٹائرڈ) سلمان بیگ ءَ گشتگ کہ مئے کمانڈر ءَ دیستگ کہ چپیں نیمگ ءَ چہ توپان بندات بوتگ، راستیں نیمگ ءَ چہ دژمن ءِ ٹینک دیم ءَ اتکگ ءُ دوئیں نیمگاں چہ تیرگواری بندات بوتگ۔ لیفٹیننٹ کرنل ریٹائرڈ سلمان بیگ ءَ گشتگ کہ مئے کمانڈر میجر زاہد اسلام ءَ گشتگ کہ ما دیوال ءَ چہ گوزیں ءُ ہما نیمگ ءَ چہ اُرش ءَ بندات بہ کنیں۔ مئے یونٹ ءِ گندگ ءَ گوں ھندی لشکر چہ اودا پُشت ءَ کپت اَنت۔ لیفٹیننٹ کرنل سلمان بیگ ءَ گوشت کہ الحمداللہ اللہ تعالیٰ ءَ دژمن ءِ دلانی تہ ءَ ترس مان کتگ ءُ ما اے گپ وتی چماں گوں دیستگ۔ ہندوستان ءِ لشکر ءَ چہ ھبکہی ءَ چہ شُتگ ءُ شُتگ بندات کُت۔ ھندی لشکر ءَ وت دعویٰ کتگ کہ آئی ءِ 100 ءَ چہ گیش کارندہ کہ آھانی تہ ءَ شش افسر ھوار اَنت بیران بوتگ اَنت۔ ما 13 زندانیان ءَ گپت کہ آھانی تہ ءَ یک افسرے ھم ھوار اَت کہ ھندی لشکر ءِ مستریں تاوان اَت۔