آئی ایس پی آر ءَ نوکیں گانا ”پاک سرزمینیوں“ جاڑی

اسلام آباد۔13دسمبر  (اے پی پی):آئی ایس پی آر ءَ نامداریں گشندہ اسرار ءِ توار ءَ ”پاک سرزمینیوں “ ءِ نام ءَ نوکیں راجی گانا شنگ کتگ۔ سرجمیں  ءِ رد ءَ آئی ایس پی آر ءِ نیمگ ءَ شنگ بوتگیں اے گانا سئیں سلاہ بندیں اُرد ءِ یکوئی ءُ وطن ءِ گوں بے دروریں وفاداری ءِ مزنیں کسہ اِنت۔ اے گانا ءَ راستی ءِ جنگ ءِ وھد ءَ پاکستان ءِ سلاہ بندیں اُرد ءِ وطن ءِ دفاع ءِ جوانیں رنگے ءَ پیش دارگ بوتگ۔ گانا ءِ تہا ہمے جزم ھوار اِنت کہ داں گڈی ھون ءِ ٹپّ ءَ پہ وطن ءَ قربانی دیگ ءُ دیم ءَ روگ ءَ اِنت۔ گانا ءِ تہا بہادری، قربانی ءُ وطن ءِ شرپ ءِ دلکشیں ترکیب ھوار اِنت۔ پاک فوج ءِ پیشہ ور، سیمسر آنی چارپاس آناں مزنیں شگر ءُ منت پیش کنگ بوت۔ آسمان ءِ نگہبان پاکستان فضائیہ ءِ پیشہ وارانہ مہارت ءُ دلیری ءِ کرد ءَ را گانا ءِ تہا جوانیں رنگے ءَ پدر کنگ بوتگ۔ ملک ءِ دریائی سیمسر آنی نگہبان پاک بحریہ ءِ درپشناکیں سوبمندی آناں گانا ءِ تہ ءَ ستا دیگ بوتگ۔ زیمر ءِ تہ ءَ وطن ءِ مھر ءُ شھیدانی بے مَرگ ءِ درانگازی کنگ بیت۔ قربانیانی سرا یک وشیں خراج تحسینے پیش کنگ بوتگ۔ آئی ایس پی آر ءِ نیمگ ءَ شنگ بوتگیں نوکیں راجی سوت قربانی ءُ وفاداری ءِ عہد ءِ نوک کنگ ءِ علامت اِنت۔