مزن وزیر شہباز شریف ءَ راجی ریگولیٹری گہتری  ءِ بنگیج ءِ مراگش ءَ گوشت کہ ملک اقتصادی بحران ءَ چہ دراتکگ، ادارگی گہتری  ءَ چہ گڈ گورننس ءِ تہ ءَ گیشی بیت، ورنا آناں تکنیکی تربیت دیگ بیت ءُ آ کار ءَ گوں بندوک بنت

اسلا م آباد۔13دسمبر  (اے پی پی):مزن وزیر محمد شہباز شریف ءَ گوشت کہ ملک اقتصادی بحران ءَ چہ دراتکگ، دیمروئی ءِ نیمگ ءَ روگ ءَ انت، ادارگی گہتری  ءَ چہ گڈ گورننس ءِ تہ ءَ گیشی کیت، ورنا یک ارزشتی ایں سرڈگ ءِ انت، آھاں ٹیکنیکل ٹریننگ دیگ بیت ءُ آھاں کار دیگ بیت۔ آئی ءَ اے ھیالانی درشانی شمبے ءِ روچ ءَ نیشنل ریگولیٹری ریفارم ءِ بنگیج ءِ مراگش ءَ گشتانک دیان ءَ کت۔ اے موہ ءِ سر ءَ نائب مزن وزیر اسحاق دار، ھاسیں کمکار ھارون اختر، برطانیہ ءِ میاں اوستمانی دیمروئی ءِ وزیر ءِ مملکت دی رائٹ آنربل بیرنیس چپمن، پارلیمنٹ ءِ باسک، کاروباری مردم ءُ اے دگہ مردم ھم ھوار اتنت۔ مزن وزیر محمد شہباز شریف ءَ گوشت کہ مرچی اے بنگیج ءِ مراگش ءَ ھوار بوھگ منی واستہ شرف ءِ گپ انت۔ کاروباری برادری ءُ لس مھلوک گوستگیں بازیں دہائیاں چہ اے گہتری  ءِ لوٹ ءَ کنگ ءَ انت۔ سرمایہ کار، صنعت کار ءُ کاروباری برادری پیچیدہ قوانین، غیر ضروری ضوابط ءُ دراجیں طریقہ کار ءِ سبب ءَ پریشان اتنت۔ ریگولیٹری فریم ورک ءِ بندات کوانٹم جمپ اِنت۔ اے گہتری  کاروباری برادری ءُ الس ءِ دیریں جیڈھ آناں گیش ءُ گیوار کن اَنت۔ من اسپیشل اسسٹنٹ ہارون اختر ءُ آئی ءِ سرجمیں ٹیم ءَ را اے وشیں گہتری  ءِ ھاتر ءَ شگر ءُ منت گپت کناں۔ محمد شہباز شریف ءَ گوشت کہ وھدیکہ ما سرکار ءِ دست گپت ملک ءِ معیشت زوال ءِ آماچ ات ءُ گرانیں جاور آنی تہ ءَ ات ۔ پالیسی ءِ شرح ءَ معیشت فالج کتگ ات، مہنگائی چہ کنٹرول ءَ در ات ءُ ملک ءَ کاروباری کاروائی جمود ءِ آماچ اتنت۔ درملکی ملکانی نیمگ ءَ چہ سرمایہ کاری بوتگ ات معیشت ءِ سرا رکاوٹ اتکگ ات، ملک سرجمیں دیوالیہ بوھگ ءِ کش ءَ ات۔ آئی ءَ گوشت کہ مئے حکومت ءَ امیت یلہ نہ داتگ، جوانیں حکمت عملی ءِ گوما چیلنج آناں دیم پہ دیم بوتگ ءُ یک سرجمیں ٹیم ورک ءِ وسیلگ ءَ شپ ءُ روچ کار کتگ تانکہ ملک ءَ را اے دلدل ءَ چہ در کنگ بہ بیت۔ آئی ءَ گوشت کہ مرچی ھدا ءِ شکر انت کہ پاکستان اقتصادی بحران ءَ چہ دراتکگ، اقتصادی اشارہ سک باز گہتر بوتگ انت، درملکی سرمایہ کار آنی اعتماد بحالی بوتگ ءُ ملک ءَ سرمایہ کاری روچ پہ روچ گیش بوھگ ءَ انت، پشاور ءَ چہ کراچی ءَ اقتصادی چست ءُ ایر برجاہ انت، درملکی ادارگ ھم مئے مثبت پالیشی آنی ستا ءَ کنگ ءَ انت  1.2 ارب ڈالر ءِ قسط ءِ سرا ، کہ آیوکیں روچاں معاشی جاوراں گیش گہتر کنت۔ مزن وزیر ءَ گوشت کہ ورنا مئے ارزشتی ایں سرڈگار اَنت، ایشانی واستہ توامیں وسیلگ کارمرد کنگ ءَ اَنت ایشاں کار کنگ ءِ واستہ ٹیکنیکل ءُ پیشہ وارانہ تربیت پجاری کنگ ءَ اِنت ءُ ایزی بزنس اسکیم ءَ چہ ھزاراں ورنا سیت چست کنگ ءَ اَنت۔ آئی ءَ گوشت کہ اے تکنیکی ءُ پیشہ وارانہ تربیت ءِ پجاری ءَ چہ ملک ءَ نہ ایوک ءَ بلکینگ ءَ دری ملک آنی تہ ءَ ھم ورنا آناں کمک رستگ۔ ملک ءَ روزگار ءِ موہ ھم رس ایت ایشی ءَ چہ نا ایوک ءَ ملک ءَ چہ بے روزگاری ھلاس بیت بلکینگ ءَ زرّ ءِ ذخیرہ ھم گیش بیت۔ آئی ءَ گوشت کہ وفاقی حکومت صوبائی حکومت آنی گوما یکوئی ءَ ادارگی فریم ورک ءَ را گہتر کنگ ءِ واستہ ٹھوس گامگیج زورگ ءَ انت، وانگ ءُ زانگ، کشت ءُ کشاری، صنعت، جان سلامتی، چاگردی شوبگ ءُ اے دگہ شوبگ آنی تہ ءَ گہتری  ءَ چہ جوانیں آسراتی رسگ ءَ انت۔ آئی ءَ گوشت کہ آ راج ءِ جیڈھ آناں سرپد اَنت کہ آ ایشانی واستہ شپ ءُ روچ کار کنگ ءَ اَنت، ملک ءَ را دیمروئی ءِ راہ ءَ ایر کتگ اَنت، گیشیں ٹارگٹ آنی سر ءَ سر بوھگ ءِ واستہ ترندیں رنگ ءَ گامگیج زورگ ءَ اَنت، ءُ معیشت ءِ برجمیں دیمروئی ءِ واستہ درملکی سرمایہ کاری ءَ را را وتی نیمگ ءَ راجینگ لوٹ ایت، ءُ سعودی عرب، متحدہ عرب امارات، برطانیہ ءَ ھواریں ملک آناں سرجمیں کمک کنگ ءَ اَنت۔ ءِ جتا جتائیں شعبہ آں چہ دیم ءَ اتکگ ءُ زوت ملک ءَ را اقتصادی پاور ہاؤس جوڑ کنت۔ مراگش ءَ گوں گشتانک دیان ءَ مزن وزیر ءِ ھاسیں کمکار ہارون اختر ءَ گوشت کہ حکومت جتاجتائیں شوبگ آنی تہ ءَ گہتری  آرگ ءَ انت، اے ایوک ءَ پالیشی نہ انت بلکینگ ءَ نوکیں باب ءِ بندات انت۔ آئی ءَ گوشت کہ آئی ءَ گوشت کہ دیمروئی ءِ ریاست مدام جرات مند، آسراتی ءُ آیوکیں وھد ءِ ھاترا جھد کنت۔ یک دیمروئی کنوکیں ریاست شہریاں لال ٹیپ ءِ بدل ءَ نوآبادیاتی، رقابت، تعمیر ءُ دیمروئی ءِ موہ دنت۔ آئی ءَ گوشت کہ مزن وزیر محمد شہباز شریف ءِ گور ءَ ھاسیں وژن، بے مٹیں کار ءُ توانائی ءَ را کارکردگی ءِ تہ ءَ بدل کنگ ءِ مھکمیں جزم اِنت۔ آئی ءِ دانائیں رہشونی ءِ چیر دستی ءَ ملک اے دیمروئی ءِ سفر ءَ دیم ءَ بران کنت۔ برطانیہ ءِ میاں اوستمانی دیمروئی ءِ وزیر مملکت ءَ رائٹ آنوربل بیرنیس چیپمین ءَ گوشت کہ ریگولیٹری گہتری  ءِ بندات کنگ ءِ اے مراگش ءَ بھر زوری کنگ شرف ءِ گپ اِنت کہ اے دوئیں ملک آنی نیام ءَ براتی سیادی آنی عکس اِنت۔ آئی ءَ گوشت کہ پاکستان بے دروریں توان ءَ چہ مالا مالیں ملک اِنت ءُ سرمایہ کاری ءِ واستہ جوانیں ملک اِنت۔ پاکستان قدرتی وسیلگ آنی تہ ءَ چہ مالا مالیں جھان ءِ تجارتی راہ آنی مرکز ءَ بوھگ ءِ سوب ءَ دلگوشی ءِ مرکز اِنت۔ دوئیں ملک یک دومی ءِ گوما تجارتی سیادی ءَ را گیش کنگ ءِ جزم انت۔ ایشی ءَ چہ پیسر مزن وزیر محمد شہباز شریف ءَ راجی ریگولیٹری گہتری  ءِ بنگیج کت۔