برطانیہ ءِ وزیر ءِ مملکت بیرنیس چیپمین ءَ مزن وزیر شہباز شریف ءَ گوں گند ءُ نند کتگ، کلیدی شوبگ آنی تہ ءَ کمک ءَ را گیش کنگ ءِ یکجائی جزم ءِ درشان

اسلام آباد۔13دسمبر  (اے پی پی): مزن وزیر محمد شہباز شریف ءُ برطانیہ ءِ میاں اوستمانی دیمروئی ءِ وزیر مملکت ءَ رائٹ آنربل بیرنیس چیپمین ءَ کلیدی شوبگ آنی تہ ءَ کمک ءَ را گیش کنگ ءِ واستہ وتی یکجائی جزم ءِ پدا پدر کتگ۔ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ را مزن وزیر گس ءَ برطانیہ ءِ میاں اوستمانی دیمروئی ءِ وزیر مملکت دی رائٹ آنربل بیرنیس چیپمن ءَ گند ءُ نند کتگ۔ مزن وزیر ءُ برطانیہ ءِ وزیر مملکت ءِ نیام ءَ دیمروئی کمک، موسمی بدلی، اقتصادی کمک ءُ گیشیں دمگی جیڈھ آنی سر ءَ وت مہ وتی دلچسپی ءِ جیڈھ آنی سر ءَ تران کت۔ آہاں کلیدی شوبگ آنی تہ ءَ کمک ءَ را گیش وسعت دیگ ءِ واستہ وتی یکجائی جزم ءِ پدا زور دات۔ گند ءُ نند ءَ مزن وزیر ءَ اے گپ ءِ سر ءَ زور پر دات کہ پاکستان ءُ برطانیہ ءِ یکجائی راجدپتر ، مھکمیں ادارگی سیادی ءُ وت مہ وتی شرپ ءُ احترام ءِ بنیات ءَ دیریں سیادی است انت۔ آئی ءَ برطانیہ ءَ پاکستانی ڈائسپورا ءِ متحرکیں کرد ءِ ھم ذکر کت کہ آ دوئیں ملک آنی نیام ءَ یک ھاسیں پُل ءِ رنگ ءَ کار کنگ ءَ اِنت۔ مزن وزیر ءَ اے تر ءُ تاب ءَ را دو نیمگی گپ ءُ تران ءَ را دیم ءَ برگ ءِ یک ھاسیں موہ ءِ رنگ ءَ وش اتک کت ءُ دل یکیمی ءِ درشان کت کہ ایشی ءَ چہ پاکستان ءُ برطانیہ ءِ نیام ءَ شریکداری ءَ را مھکم کنگ ءَ کمک رسیت۔