مزن وزیر محمد شہباز شریف ترکمانستان ءِ تر ءُ تاب ءَ سرجم کنگ ءَ پد وطن ءَ واتر بوتگ

لاہور ۔13دسمبر  (اے پی پی): مزن وزیر محمد شہباز شریف ترکمانستان ءِ تر ءُ تاب ءِ سرجم کنگ ءَ پد وطن ءَ واتر بوتگ۔ ترکمانستان ءِ دو روچی سرکاری تر ءُ تاب ءِ ساھت ءَ مزن وزیر ءَ ترکمانستان ءِ دائمی غیر جانبداری ءِ سیمی سالروچ ءِ درگت ءَ اشک آباد ءَ برجم داشتگیں فورم ءَ بھر زوری کت ءُ گشتانک دات۔ ایشی ءَ چہ پیسر آئی ءَ دگنیا ءِ سروک آنی گوما غیر جانبداری ءِ یادگار ءِ ھم تر ءُ تاب کتگ ءُ پُل ایر کتگ۔ تر ءُ تاب ءِ ساھت ءَ مزن وزیر ءَ ترکی ءِ صدر رجب طیب اردوان، جمہوریہ اسلامی ایران ءِ صدر مسعود پیژشکیان  ءُ ترکمانستان ءِ صدر ءِ گوما ھم دو نیمگی گند ءُ نند کتگ۔ ایشی ءَ ابید آئی ءَ روس ءِ صدر پوٹن، تاجکستان ءِ صدر ایمومالی رحمون ءُ کرغزستان ءِ صدر صادر جپاروف ءَ ھوار دگنیا ءِ سروکاں گوں ھم غیر رسمی گند ءُ نند کتگ۔