اشک آباد۔12دسمبر (اے پی پی): مزن وزیر محمد شہباز شریف ترکمانستان ءِ سرکاری تر ءُ تاب ءِ سرجم کنگ ءَ پد وطن ءَ واتر بوتگ۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ ترکمانستان ءِ کابینہ ءِ ڈپٹی چیئرمین ءُ ٹرانسپورٹ ءُ کمیونیکیشن ءِ سروک محمد خان چیکیوف ءَ مزن وزیر ءُ پاکستانی ڈل ءَ چہ وداع کتگ۔ دو …
مزن وزیر محمد شہباز شریف ترکمانستان ءِ سرکاری تر ءُ تاب ءِ سرجم کنگ ءَ پد وطن ءَ واتر بوتگ
گیشتریں ھال
اشک آباد۔12دسمبر (اے پی پی): مزن وزیر محمد شہباز شریف ترکمانستان ءِ سرکاری تر ءُ تاب ءِ سرجم کنگ ءَ پد وطن ءَ واتر بوتگ۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ ترکمانستان ءِ کابینہ ءِ ڈپٹی چیئرمین ءُ ٹرانسپورٹ ءُ کمیونیکیشن ءِ سروک محمد خان چیکیوف ءَ مزن وزیر ءُ پاکستانی ڈل ءَ چہ وداع کتگ۔ دو روچی تر ءُ تاب ءِ ساھت ءَ مزن وزیر ءَ امن ءُ اعتماد سازی ءِ گامگیج آنی میاں اوستمانی سال، غیر اتحادی تحریک ءِ میاں اوستمانی روچ ءُ ترکمانستان ءِ دائمی غیر اتحادی ءِ 30 سالی روچ ءِ درگت ءَ برجم داشتگیں فورم ءَ بھر زوری کت۔ اے تر ءُ تاب ءِ ساھت ءَ مزن وزیر ءَ ترکمانستان، ترکمانستان ءُ ایران ءِ صدر آنی گوما ھم دو نیمگی گند ءُ نند کتگ، وھدیکہ روس ءِ صدر ولادیمیر پوٹن، ترکی ءِ صدر رجب طیب اردوان، تاجکستان ءِ صدر امام علی رحمن ءُ کرغزستان ءِ صدر صادر ژپاروف ءِ گوما غیر رسمی گند ءُ نند ھم کتگ۔
