مزن وزیر شہباز شریف ءَ ترکی ءِ صدر رجب طیب اردوان ءَ گوں گند ءُ نند کتگ ، توانائی ، پٹرولیم ءُ کان کنی ءِ اولویت ءِ شعبہ آنی تہ ءَ ترکی ءِ دلچسپی ءُ سرمایہ کاری ءِ سر ءَ چمشانک

اشک  آباد۔12دسمبر  (اے پی پی): مزن وزیر محمد شہباز شریف ءَ ترکی ءِ گوما سیکورٹی، توانائی، معیشت، دفاع ءُ سرمایہ کاری ءَ ھوار وت مہ وتی مفاد ءِ درستیں پڑ آنی تہ ءَ دو نیمگی کمک ءَ را گیش مھکم کنگ ءِ جزم ءِ درشانی کتگ، ترکی ءِ مفاد ءُ سرمایہ کاری ءَ را توانائی ءِ اولویت ءِ شوبگ ءُ پٹرول ءِ تہ ءَ سرمایہ کاری ءَ را پدر کتگ۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ میاں اوستمانی فورم ءِ ساھت ءَ اشگباد ءَ ترکی ءِ صدر رجب طیب اردوان ءَ گوں گند ءُ نند کتگ ایشی ءِ تہ ءَ دوئیں سروک آنی نیمگ ءَ پاکستان ءُ ترکی ءِ نیام ءَ گہتریں سیادی ءِ ارزشت ءِ سر ءَ زور پر دیگ بوتگ۔ ءُ امن ءُ ایمنی ءِ یکجائی واھشت آنی رد ءَ انت۔ مزن وزیر ءَ گوزوکیں سال ءِ ساھت ءَ پاکستان ءُ ترکی ءِ نیام ءَ برجاھیں مزن تک ءِ رابطہ آنی سر ءَ دل یکیمی ءِ درشان کت ءُ سیکورٹی، توانائی، معیشت، دفاع ءُ سرمایہ کاری ءَ ھوار وت مہ وتی سیت ءِ توامیں شوبگ آنی تہ ءَ ترکی ءِ گوما دو نیمگی کمک ءَ را گیش مھکم کنگ ءِ جزم ءِ درشان کت۔ مزن وزیر ءَ پاک ترکی جے ایم سی ءِ 16می دیوان ءِ گوانک جنگ ءِ سر ءَ دل یکیمی ءِ درشان کت ایشی ءَ چہ 7می ایچ ایل ایس سی سی ءِ شق آنی سر ءَ عمل درآمد ءَ را آسراتی رس ایت۔ مزن وزیر ءَ توانائی، پٹرولیم ءُ کان کنی ءِ اولی ترجی ءِ شوبگ آنی تہ ءَ ترکی ءِ دلچسپی ءُ سرمایہ کاری ءَ را وش اتک کت۔ مزن وزیر ءَ کلیدی شوبگ آنی تہ ءَ گوستگیں وھد ءَ دستخط بوتگیں مفاہمت نامہ ءُ معاہدہ آناں وھد ءِ سر ءَ عمل درآمد ءِ ارزشت ءِ سر ءَ زور پر دیان ءَ گوشت کہ پاکستان بجلی ءِ بھر ءُ بانگ ءِ کمپنی آناں نجکاری ءِ تہ ءَ اے شوبگ ءِ تہ ءَ ترکی ءِ تجربگ ءَ چہ سیت چست کنگ ءِ واھشت مند اِنت۔ بیان ءِ رد ءَ گمان اِنت کہ دوئیں ملک آنی نیام ءَ وزارتی تک ءِ تبادلہ سک زوت بیت۔ مزن وزیر ءَ اسلام آباد تہران استنبول ریل نیٹ ورک ءِ بحالی ءَ ھوار دمگی رابطہ ءِ ارزشت ءِ سر ءَ زور پر دات۔ دوئیں بامرد آنی نیام ءَ دمگی ءُ جھان ءِ دیمروئی آنی ھوالگ ءَ ھم ھیال ریچی کنگ بوت۔ آہاں صدر رجب طیب اردوان ءِ دلیری ءِ سروکی ءُ غزہ ءَ امن ءِ کوشست آنی واستہ مھکمیں عزم ءِ توسیپ کتگ۔ آہاں پاکستان ءُ اوگان طالبان حکومت ءِ نیام ءَ گپ ءُ تران ءِ آسراتی ءِ تہا ترکی ءِ تعمیری کرد ءِ سرا ہم منت گپت بلے اے گپ ءِ سرا زور پر دات کہ امن ہما وہد ءَ ممکن بیت کہ پاکستان ءِ ایمنی ءِ جیڈھ سرجمی ءَ گیش ءُ گیوار کنگ بہ بنت۔ صدر رجب طیب اردوان ءَ مزن وزیر محمد شہباز شریف ءِ واھشت آنی سر ءَ شگر ءُ منت گپت ءُ دوئیں ملک آنی نیام ءَ مھکمیں سیادی جوڑ کنگ ءِ واستہ یکجائی ءَ کار کنگ ءِ واھشت ءِ درشان کت۔