وزیر مملکت طلال چوہدری ءِ  برطانیہ ءِ  وزیر مملکت  بیرونس چیپمین ءِ گند ءُ نند، پاک – برطانیہ  یکوئی آنی ھوالگ ءَ ھیال ریچی

اسلام آباد۔12دسمبر  (اے پی پی): وزیر مملکت طلال چوہدری ءَ جمعہ ءِ روچ ءَ اسلام آباد ءَ برطانیہ ءِ (میاں اوستمانی دیمروئی ءُ افریقہ ) ءِ وزیر مملکت بیرونس چیپ مین    ءَ گوں ڈارلنگٹن ءَ گند ءُ نند کتگ ءُ پاک ءُ برطانیہ ءِ سیادی ءُ وت مہ وتی مفاد ءِ ھاسیں جیڈھ آنی سر ءَ گپ ءُ تران کتگ۔ گند ءُ نند ءِ تہ ءَ سیکورٹی ءَ را مھکم کنگ ءُ وت مہ وتی کمک ءِ سر ءَ دلگوش گور کنگ بوت۔ دوئیں رہشوناں ’اپ اسکلنگ پروگرام‘ ءِ چیر دستی ءَ اوگان شہری آناں برطانیہ ءَ واتر کنگ ءِ جیڈھ ءِ سر ءَ ھم تران کت ءُ ھمے رنگ ءَ سنگینیں جرم آنی گوما گر ءُ دار ءِ میکانزم ءِ کارکردگی ءِ سر ءَ ھم تران کت۔ دوئیں وزیر آنی نیام ءَ دمگی ایمنی ءِ جاور ھال ھاسیں رنگ ءَ اوگانستان ءِ ھوالگ ءَ جیڈھ آنی سر ءَ ءُ برطانیہ ءِ نیمگ ءَ چہ رستگیں حوالگ ءِ لوٹ آنی سر ءَ ھم ھیال ءُ لیکہ آنی تہ ءَ سرجمیں گپ ءُ تران بوتگ۔ امیگریشن ءِ وزیر مملکت ڈارلنگٹن ءِ  برونیسلاو چپا ءَ برطانیہ ءُ پاکستان ءِ نیام ءَ امیگریشن ءِ کمک ءَ را گہتر کنگ ءِ واستہ پاکستان ءِ نیمگ ءَ چست کتگیں گامگیج آناں ساڑات۔ امیگریشن ءِ وزیر مملکت واجہ طلال چوہدری ءَ اپ اسکلنگ پروگرام ءِ وسیلگ ءَ سیکورٹی کمک ءُ سنگینیں جرم ءَ گوں گر ءُ چیل بوھگ ءَ را گیش موثر جوڑ کنگ ءِ عزم ءِ یک رندے پدا گوشت۔ اے گند ءُ نند ءَ پاکستان ءُ برطانیہ ءِ نیام ءَ ایمنی ، کانود ءِ کمک ءُ وت مہ وتی دیمروئی ءِ شوبگ آنی تہ ءَ دیریں سیادی ءَ را گیش مھکم کنگ ءِ ارزشت ءَ را پدر کنگ بوتگ۔