آب و ہوا ءِ رد ءَ کارروائی ءِ ھاتر ءَ دگہ آپشن نہ اِنت بلکیں زندگ بوھگ ءِ ھاتر ءَ یک لوٹے: آب و ہوا ءِ بدلی ءُ چاگردی  یکوئی ءِ یونائیٹڈ نیشن ءِ ماحولیاتی اسمبلی ءِ ھپتمی دیوان ءَ گوں گشتانک

اسلام آباد۔12دسمبر  (اے پی پی): موسمیاتی بدلی ءُ چاگردی ردوم ءِ وفاقی وزیر ڈاکٹر مصدق ملک ءَ موسمیاتی کارروائی ءِ المی ئیں ضلورت ءِ سر ءَ زور پر دیان ءَ گوشت کہ موسمیاتی کارروائی دگہ آپشن نہ اِنت بلکیں زندگ بوھگ ءِ لوٹ اِنت۔ اے ھیالانی درشانی آئی ءَ اقوام متحدہ ءِ ماحولیاتی اسمبلی ءِ بنجاہی شہر کراچی ءَ برجم داشتگیں 7می دیوان ءَ گشتانک دیان ءَ کت۔ اے مزنیں تک ءِ گلوبل فورم ’’یک مھکم ءُ لچکداریں سیارے ءِ واستہ پائیداریں گیواری آناں دیم ءَ برگ‘‘ ءِ سرھال ءِ چیر دستی ءَ برجم دارگ بوتگ ات، ایشی ءِ تہ ءَ اقوام متحدہ ءِ 193 باسکیں ملک، سول سوسائٹی، سائنسدان، دیمروئی ادارگ ءُ نجی شعبہ ءِ نمائندگ ھم بھر زرتگ ات۔ گند ءُ نند ءَ جہانی چاگردی پالیشی آنی جوڑ کنگ، اولویت ءِ ٹھینگ ءُ میاں اوستمانی چاگردی کانود ءِ مھکم کنگ ءِ واستہ گامگیج آنی ھوالگ ءَ سرجمیں رنگ ءَ ھیال ءُ لیکہ آنی تبادلہ کنگ بوتگ۔ گند ءُ نند ءَ موسمیاتی تابکاری، موافقت، برجمیں دیمروئی ءُ سائنس ءِ بنیات ءَ گیواری ءِ واستہ جھان ءِ کمک ءُ مالی کمک ءِ ضلورت ءِ سر ءَ زور پر دیگ بیت۔ ڈاکٹر مصدق ملک ءَ گوشت کہ فطرت وتی اصول آنی رد ءَ کار کنت۔ اگاں ما گوں آئی ءَ ناانصافی بہ کنیں گڑا فطرت ءَ را ھچ وڑیں تاوان نہ رسیت بلے اے ناانصافی ءِ سرجمیں بھا مارا دیگی اِنت۔ آئی ءَ پاکستان ءِ وڑیں ملک آنی گیش بوھوکیں نزوری آناں موسمیاتی ھترہ آنی دیمپان بوھگ ءِ سر ءَ دلگوش گور کت ءُ گوشت کہ گیش بوھوکیں لچک، موسمی ردوم ءُ منصفانہ جھان ءِ مالی کمک وھد ءِ زوتیں لوٹ اِنت۔ آئی ءَ ھشدار داتگ کہ داں دگنیا یکجا نہ بیت ءُ ترندیں ءُ موثریں گامگیج نہ زوریت دیمروئی کنوکیں ملک آناں غیر متناسب انسانی، اقتصادی ءُ چاگردی تاوان ءِ دیم ءَ دارگ ءِ سلسلہ برجاہ بیت۔ ڈاکٹر مصدق ملک ءَ پاکستان ءِ جوانیں گلوبل گیواری ءِ شوھازگ، موسمیاتی کمک ءَ را مھکم کنگ ءُ پائیداریں آیوکیں وھد ءِ نیمگ ءَ روگ ءِ واستہ پاکستان ءِ عزم ءِ سر ءَ زور پر دات۔