مزن وزیر شہباز شریف ءَ ایران ءِ صدر مسعود پیزشکیان ءَ گوں گند ءُ نند کتگ، دو نیمگی سیادی ءَ را گیش مھکم کنگ ءِ واستہ مزن تک ءِ گند ءُ نند ءُ مشورہ ءِ برجاہ دارگ ءِ سرا تپاک

اشک آباد۔12دسمبر  (اے پی پی): مزن وزیر محمد شہباز شریف ءُ ایران ءِ صدر مسعود پیزشکیان  ءَ دو نیمگی سیادی ءَ را گیش مھکم کنگ ءِ واستہ  مزن تک ءِ گند ءُ نند ءُ شور ءُ سلاھ برجاہ دارگ ءِ سر ءَ تپاک کتگ۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں بیان ءِ رد ءَ مزن وزیر محمد شہباز شریف ءَ ترک ءِ 50 سالی سفارتکاری ءِ درگت ءَ برجم داشتگیں فورم ءِ ساھت ءَ اسلامی جمہوریہ ایران ءِ صدر ڈاکٹر مسعود پیزشکیان ءِ گوما دو نیمگی گند ءُ نند کتگ۔ دلپھکی ءِ گند ءُ نند ءِ ساھت ءَ دوئیں رہشون آناں اے سال ءِ بندات ءَ دوئیں ملک آناں درائیں چیلنج آنی دیمپان بوھگ ءِ وھد ءَ یک دومی ءَ را داتگیں مھکمیں کمک ءِ ساڑات کت۔ مزن وزیر ءَ اے سال ءِ بندات ءَ پاک ایران ءِ یکجائی اقتصادی کمیشن ءِ 22می دیوان ءِ سوبمندیں برجم دارگ ءِ سر ءَ دل یکیمی ءِ درشانی کنان ءَ دو نیمگی تجارت ءِ کساس ءَ را گیش کنگ، سیم سری مارکیٹ آناں فعال کنگ، سیمسر ءِ سلامتی ءَ را مھکم کنگ ءُ دو نیمگی ٹرانسپورٹ ءِ نیٹ ورک ءَ را مھکم کنگ ءِ ضلورت ءِ سر ءَ زور پر دات۔ دوئیں بامرد آں دمگی ءُ جہانی جاورحال ءِ سرا ہم حیال ءُ لیکہ درشان کتگ انت۔ مزن وزیر ءَ گوشت کہ اوگان حکومت ءَ را اوگان سرزمین ءَ چہ درکپوکیں ناشرکاری ءِ ھوالگ ءَ پاکستان ءِ سنگینیں سیکورٹی جیڈھ آنی گیواری ءِ واستہ بامردیں گامگیج چست کنگ لوٹ ایت۔ دوئیں راہشون آں غزہ ءَ برجاھیں امن ءِ کوشست آنی ھوالگ ءَ ھم ھیال ریچی کت ۔ صدر پیزشکیان   ءَ گوشت کہ ایران پاکستان ءِ گوما وتی سیادی ءَ را گیش مھکم کنگ ءِ واھشت مند اِنت۔ باغان ءِ رد ءَ اے گند ءُ نند ءَ پاکستان ءُ ایران ءِ نیام ءَ دلپھکی ءُ برات ءِ سیادی ءِ درشان انت کہ ایشانی یکجائی راجدپتر، دود ءُ ربیدگ ءُ میراث ءَ گوں بندوک انت۔ دوئیں بامرد آں وت مہ وتی سیادی ءَ را گیش مھکم کنگ ءِ واستہ   مزن تک ءِ گند ءُ نند ءُ مشورہ برجاہ دارگ ءِ سر ءَ تپاک کت۔ مزن وزیر ءَ ایران ءِ سروک آیت اللہ خمینی  ءَ را دل ءِ جہلانکی ءَ چہ مبارکی ءُ نیکیں واھگ آنی درشان کت۔