پاکستانی آرمی ءُ چین ءِ پیپلز لبریشن آرمی ءِ نیام ءَ ناشرکاری ءِ ھلاپ ءَ یکجائی  ایکسرسائز "واریئر-IX”جاڑی

راولپنڈی۔11دسمبر  (اے پی پی): پاک آرمی  ءُ چین ءِ پیپلز لبریشن آرمی ءِ نیام ءَ ناشرکاری ءِ ھلاپ ءَ یکجائی ایکسرسائز "واریئر-IX”جاری اِنت کہ 28نومبر ءَ بندات بوتگ ءُ 14دسمبر 2025ءَ تاں برجاہ بیت۔ آئی ایس پی آر ءِ نیمگ ءَ جاڑی بوتگیں بیان ءِ رد ءَ پنچ شمبے ءِ روچ ءَ راجی انسداد ناشرکاری ءِ مرکز پبی ءَ شرپداریں مہمان آنی روچ ءِ ھاسیں مراگش برجم دارگ بوت ایشی ءِ تہ ءَ پاکستان ءَ چینی سفیر جیانگ زائی دونگ  ءَ ھاسیں مہمان ءِ بستار ءَ بھر زوری کت۔

اے موہ ءِ سر ءَ چین ءَ چہ مزنیں فوجی کارندہ ھم ساڑی بوتگ اَنت، وھدیکہ پاک اُرد ءِ چیف آف جنرل اسٹاف ءَ ھاسیں مہمان ءِ بستار ءَ مراگش ءَ بھر زرتگ۔ مراگش ءِ ساھت ءَ شرپ مندیں مہمان آناں ایکسرسائز ءِ مول ءُ مراد، دائرہ کار ءُ جتا جتائیں بھر آنی ھوالگ ءَ سرجمیں بریفنگ دیگ بوت۔ شریکیں مردماں انسداد ناشرکاری ءِ ھوالگ ءَ جتا جتائیں عملی مشق آنی چار ءُ تپاس کت ءُ دوئیں ملک آنی سپاھیگ آنی پیشہ وارانہ ، آپریشنل آمادگی ءُ مزن حوصلہ ءِ ستا کت۔ آئی ایس پی آر ءِ رد ءَ اے یکجائی مشق پاکستان ءُ چین ءِ نیام ءَ مھکمیں دفاعی کمک ءِ رد ءَ انت ایشی ءَ چہ دمگ ءَ امن، برجائی ءُ ایمنی ءِ واستہ دوئیں ملک آنی فوج آنی یکجائی جزم ءَ را گیش مھکم کنگ بیت۔