مزن وزیر محمد شہباز شریف ءَ ترکمانستان ءِ صدر سردار بردی محمدوف ءِ گوما دو نیمگی گند ءُ نند کتگ، دو نیمگی سیادی ءَ را مھکم کنگ ءِ جزم ءِ پدا پدر کتگ، ایشی ءِ تہ ءَ تجارتی ءُ اقتصادی سیادی ھوار انت ءُ زمینی ءُ دریائی راہ آنی وسیلگ ءَ رابطہ ءَ را گیش کنگ ءِ واھشت ءِ درشان

اشک آباد۔11دسمبر (اے پی پی): مزن وزیر محمد شہباز شریف ءَ دو نیمگی سیادی ءَ را مھکم کنگ ءِ وتی جزم ءِ پدر کنگ ءَ پد پاکستان ءُ ترکمانستان ءِ نیام ءَ زمینی ءُ دریائی راہ آنی وسیلگ ءَ رابطہ ءَ را گیش کنگ ءِ واھشت ءِ پدر کنگ ءَ انت ءُ ترکمانستان ءَ را کراچی ءُ گوادر ءِ دکہ آنی وسیلگ ءَ وتی رسائی ءَ را گیش کنگ ءِ پیشکش کتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ پنچ شمبے ءِ روچ ءَ مزن وزیر محمد شہباز شریف ءَ ترکمانستان ءِ صدر سردار بردی محمدوف ءَ گوں اشکباد ءَ دو نیمگی گند ءُ نند کتگ۔ مزن وزیر ءَ ترکمانستان ءِ دائمی غیر جانبداری ءِ سیمی سالروچ ءُ اقوام متحدہ ءِ نیمگ ءَ 2025ءَ را امن ءُ ایمنی ءِ میاں اوستمانی سال ءِ جار ءِ سرا مبارک بات دات۔ مزن وزیر ءَ پاکستان ءُ ترکمانستان ءِ نیام ءَ راجدپتری ءُ براتی سیادی آنی ارزشت ءِ سر ءَ زور پر دیان ءَ دوئیں ملک آنی نیام ءَ دو نیمگی سیادی ھاسیں رنگ ءَ تجارتی ءُ اقتصادی سیادی آناں مھکم کنگ ءِ جزم ءِ درشان کت۔ مزن وزیر ءَ اے سال ءِ بندات ءَ ایران ءُ اسرائیل جنگ ءِ وھد ءَ پاکستانی شہری آناں ایران ءَ چہ ایمنی ءِ درکنگ ءِ واستہ ترکمانستان ءِ سروکی ءُ حکومت ءِ دل ءِ جہلانکی ءَ چہ منت واری ءِ درشان کت۔ آئی ءَ زمینی ءُ دریائی راہ آنی وسیلگ ءَ ترکمانستان ءِ گوما رابطہ ءَ را گیش کنگ ءِ پاکستان ءِ واھشت ءِ سر ءَ زور پر دات ءُ گوشت کہ کراچی ءُ گوادر ءِ دکہ آنی جغرافیہ آئیڈیل اِنت، ایشی ءَ چہ ترکمانستان جنوبی ایشیا ءُ ایشی ءَ چہ دریں دمگ آنی تہ ءَ وتی رسائی ءَ را گیش کنگ ءِ واستہ کارمرد کنت۔ مزن وزیر ءَ پاکستانی ڈل ءِ وشیں مہمان داری ءِ پد ءَ ترکمانستان ءِ صدر ءِ شگر ءُ منت گپت ءُ ترکمانستان ءِ راج ءِ راجی سروک گوربنگولی بردیمحمدو ءِ گوما نیکیں واھشت آنی درشان کت۔ مزن وزیر ءَ ترکمانستان ءِ راجی سروک ءُ صدر بردیم محمدو ءَ را آیوکیں سال ءَ پاکستان ءِ سرکاری تر ءُ تاب ءِ دعوت ءِ ھم یک رند ءَ گوشت۔ ترکمانستان ءِ صدر ءَ مزن وزیر ءِ تر ءُ تاب ءُ امن ءُ اعتماد سازی ءِ گامگیج آنی ھوالگ ءَ میاں اوستمانی فورم ءِ تہ بھر زوری ءِ سر ءَ منت گپت ءُ گوشت کہ ترکمانستان پاکستان ءِ گوما وت مہ وتی سیت ءِ بازیں شوبگ آنی تہ ءَ دو نیمگی کمک ءَ را گیش کنگ ءِ واھشت مند اِنت۔ مزن وزیر امن ءُ دل یکیمی ءِ گامگیج آنی میاں اوستمانی سال (2025)، غیر جانبداری ءِ میاں اوستمانی روچ ءُ ترکمانستان ءِ دائمی غیر جانبداری ءِ سیمی سالروچ ءِ درگت ءَ میاں اوستمانی فورم ءِ تہ ءَ بھر زوری ءِ واستہ ترکمانستان ءِ دو روچی سرکاری تر ءُ تاب ءَ انت۔ گند ءُ نند ءَ نائب مزن وزیر ءُ دری کارانی وزیر سینیٹر محمد اسحاق ڈار، توانائی ءِ وفاقی وزیر اویس احمد خان لغاری، وفاقی وزیر ءِ اھوالکاری عطا اللہ ترار ءُ ایندگر کابینہ ءِ باسک ءُ مزنیں سرکاری کارندہ ھم ھوار اتنت۔