اشک آباد۔11دسمبر (اے پی پی): ترکمانستان ءِ صدر سردار بردی محمدوف ءِ دعوت ءِ پد ءَ مزن وزیر محمد شہباز شریف دو روچی سرکاری تر ءُ تاب ءَ اشک آباد ءَ سر بوتگ۔ اشک آباد ءِ میاں اوستمانی بالی پٹ ءَ سر بوھگ ءَ پد ترکمانستان ءِ کابینہ ءِ ڈپٹی چیئرمین ءُ ٹرانسپورٹ ءُ کمیونیکیشن ءِ سروک محمد خان چیکیئف ءَ مزن وزیر ءُ پاکستانی ڈل ءِ وش آتک کت …
مزن وزیر محمد شہباز شریف ترکمانستان ءِ صدر سردار بردی محمدوف ءِ دعوت ءِ سرا دو روچی سرکاری تر ءُ تاب ءَ اشک آباد ءَ سر بوتگ
گیشتریں ھال
اشک آباد۔11دسمبر (اے پی پی): ترکمانستان ءِ صدر سردار بردی محمدوف ءِ دعوت ءِ پد ءَ مزن وزیر محمد شہباز شریف دو روچی سرکاری تر ءُ تاب ءَ اشک آباد ءَ سر بوتگ۔ اشک آباد ءِ میاں اوستمانی بالی پٹ ءَ سر بوھگ ءَ پد ترکمانستان ءِ کابینہ ءِ ڈپٹی چیئرمین ءُ ٹرانسپورٹ ءُ کمیونیکیشن ءِ سروک محمد خان چیکیئف ءَ مزن وزیر ءُ پاکستانی ڈل ءِ وش آتک کت وھدیکہ روایتی پوشاک ءِ پوشاک ءَ پوشوکیں زھگاں وتی دود ءُ ربیدگ ءِ دروشم ءَ مزن وزیر ءِ وش آتک کت ءُ بوؤ پیش کت۔ تر ءُ تاب ءِ ساھت ءَ مزن وزیر ترکمانستان ءِ صدر سردار بردیمحمدو ءِ گوما دو نیمگی گند ءُ نند کنت ۔ مزن وزیر مرچی (جمعہ) اشک آباد ءَ امن ءُ بھروسہ ءِ میاں اوستمانی سال، میاں اوستمانی غیر جانبداری ءِ روچ ءُ ترکمانستان ءِ دائمی غیر جانبداری ءِ سیمی سالروچ ءِ درگت ءَ یک فورم ءِ تہا بہر زوریت۔ مزن وزیر ءِ گوما ڈل ءِ تہ ءَ نائب مزن وزیر ءُ دری کارانی وزیر سینیٹر اسحاق ڈار، وفاقی وزیر بجلی ءِ بہر ءُ بانگ سردار اویس خان لغاری، وفاقی وزیر ءِ اھوال ءُ شنگکاری عطا اللہ ترار، ھاسیں کمکار طارق فاطمی ءُ طلحہ برکی ڈل ءِ تہ ءَ بھر زوری کنگ ءَ انت۔
