فیض حمید ءِ سرا فیصلہ ثبوتانی سرا بوتگ، مرچی راستی ءُ انصاف ءَ سوبمند بوتگ، عطا اللہ تارڑ

اسلام آباد۔11دسمبر (اے پی پی): وفاقی وزیر اھوالکاری ءُ نشریات عطا اللہ تارڑ ءَ پیسریگیں ڈی جی آئی ایس آئی فیض حمید ءِ حلاف ءَ فیصلہ ءَ را راستی ءُ انصاف ءِ سوبمندی لیک اِتگ ءُ گوشت کہ کس قانون ءَ چہ بُرز نہ اِنت، فیض حمید ءَ را درستیں الزام آنی تہ ءَ گناہ گار لیکگ بوتگ، فوج ءِ تہ ءَ وت ءَ را احتساب ءِ عمل کہ ھر یک مھکمیں مثالے ءَ سک باز گندگ بوتگ۔ پنچ شمبے ءِ روچ ءَ میڈیا ءَ گوں تران کنان ءَ وفاقی وزیر ءِ اھوالکاری ءَ گوشت کہ مرچی انصاف ءُ کانود ءِ حکمرانی ءِ واستہ مزنیں روچ اِنت، فیض حمید ءَ را 15ماہ ءَ برجاہ بوتگیں آمید گس ءَ پد ثبوت آنی بنیاد ءَ سزا دیگ بوتگ۔ آئی ءَ گوشت کہ فوج ءِ تہ ءَ یک موثر ءُ یکجاھیں وت مہ وتی احتساب ءِ نظام است انت ایشی ءِ چیر دستی ءَ اختیارات ءِ ناجائز کارمردی، راز ایکٹ ءِ ھلاپ ورزی ءُ سیاسی کار آنی تہ ءَ مداخلت ءِ وڑیں جیڈھ آنی سر ءَ سکیں گامگیج زورگ بیت۔ فیض حمید ءَ را ریٹائرمنٹ ءَ پد سیاسی کارانی تہا بہر زورگ ءِ سرا بندش جنگ بوتگ بلے ایشی ءِ باوجود آ پی ٹی آئی ءِ سیاسی مشیر بوتگ ءُ 9 مئی ءِ واقعہ ءَ ھوار آشوب ءِ جیڑہانی تہا آئی ءِ دست مان بوھگ ءِ ناقابل تردیدیں ثبوت دیم ءَ اتکگ انت۔ آئی ءَ گوشت کہ ٹاپ سٹی کیس ءَ آئی ءَ را پیسر ءَ چہ سزا دیگ بوتگ، وھدیکہ سیاسی جیڈھ آنی تہ ءَ مداخلت ءِ ھوالگ ءَ گیشیں پٹ ءُ پول برجاہ بیت۔ آئی ءَ گوشت کہ مرچی پاکستان ءِ واستہ یک مزنیں روچ انت کہ ھما مردم ءَ کہ لال لیکہ ءَ چہ ٹپ اتگ، مردمانی سر ءَ زلم ءُ زوراکی کتگ ءُ وتی اختیار ءَ رد کارمرد کتگ آئی ءَ را سزا دیگ بوتگ۔ وفاقی وزیر ءَ گوشت کہ فیض حمید ءَ را کیس ءِ ساھت ءَ سرجمیں موہ دیگ بوتگ کہ آ وت ءَ دفاع بہ کنت ءُ وتی حق ءَ گواہ پیش بہ کنت۔ آئی ءَ گوشت کہ توامیں گواہ آنی بیان ریکارڈ کنگ ءُ ثبوت آنی سرجمیں چار ءُ تپاسی ءَ پد فیصلہ ءِ جار جنگ بوتگ کہ ایشی ءِ تہ ءَ کانود ءِ لوٹ ءُ انصاف ءِ رھبند آنی رد ءَ انت۔ یک جست ءِ پسو ءَ آئی ءَ گوشت کہ کس کانود ءَ چہ بُرز نہ اِنت، فوج ءِ وت احتساب ءِ نظام ھست کہ آئی ءِ وتی معیار ھست، ھرکس کہ لال لیکہ ءَ چہ ٹپّ اِیت یا وتی اختیار ءَ را ناجائز کارمرد کنت آئی ءِ ھلاپ ءَ کارروائی کنگ بہ بیت۔ آئی ءَ گوشت کہ فیض حمید ءَ وتی اختیارات ءِ ردیں کارمرد کتگ ءُ سیاسی جیڈھ آنی تہ ءَ آئی ءِ دست مان کنگ ءِ بے دروریں شاہدی است انت ایشی ءِ تہ ءَ راز ایکٹ ءِ ھلاپ ورزی ھم ھوار انت۔ آئی ءَ گوشت کہ مرچی راستی ءُ انصاف ءِ سوبمند بوتگ۔