اسلام آباد۔11دسمبر (اے پی پی): مزن وزیر محمد شہباز شریف ترکمانستان ءِ صدر سردار بردی محمدوف ءِ دعوت ءِ پد ءَ دو روچی سرکاری تر ءُ تاب ءِ واستہ ترکمانستان ءِ شھر اشجباد ءَ شتگ۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر امن ءُ اعتماد ءِ میاں اوستمانی سال، میاں اوستمانی غیر جانبداری ءِ روچ …
مزن وزیر شہباز شریف ءِ دو روچی تر ءُ تاب ءَ ترکمانستان ءَ شتگ
گیشتریں ھال
اسلام آباد۔11دسمبر (اے پی پی): مزن وزیر محمد شہباز شریف ترکمانستان ءِ صدر سردار بردی محمدوف ءِ دعوت ءِ پد ءَ دو روچی سرکاری تر ءُ تاب ءِ واستہ ترکمانستان ءِ شھر اشجباد ءَ شتگ۔ پنچ شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر امن ءُ اعتماد ءِ میاں اوستمانی سال، میاں اوستمانی غیر جانبداری ءِ روچ ءُ ترکمانستان ءِ دائمی غیر جانبداری ءِ سیمی سالروچ ءِ درگت ءَ برجم داشتگیں فورم ءَ بھر زوری کنت۔ مزن وزیر ترکمانستان ءِ صدر سردار بردیمحمدو ءِ ھواری ءَ فورم ءَ بھر زوروکیں دگنیا ءِ سروک آنی گوما ھم دو نیمگی گند ءُ نند کنت۔ مزن وزیر ءِ ھمراھی ءَ نائب مزن وزیر ءُ درئی کارانی وزیر سینیٹر اسحاق ڈار، وفاقی وزیر بجلی ءِ بہر ءُ بانگ سردار اویس خان لغاری، وفاقی وزیر ءِ اھوالکاری ءُ شنگکاری عطا اللہ تارڑ، ھاسیں کمکار طارق فاطمی ءُ طلحہ برکی ھم مزن وزیر ءِ ھمراھی ءَ اَنت۔
