پاکستان امریکہ ءُ چین دوئیں ملک آنی گوما جوڑیشت ءِ سیادی ءِ برجائی ءِ واستہ جوانیں جاور ھال ءَ اِنت، دیمروئی شریک ءُ جھان ءِ سرمایہ کاری مارکیٹ آنی نیمگ ءَ چہ درائیں مالی کمک موافقت ءِ ایجنڈا ءِ واستہ المی بیت، وزیر ھزانگ محمد اورنگزیب

ریاض ۔11دسمبر (اے پی پی): وفاقی وزیر خزانہ ءُ ریونیو سینیٹر محمد اورنگزیب ءَ گوشت کہ پاکستان امریکہ ءُ چین دوئیں ملک آنی گوما جوڑیشت ءِ برجائی ءِ واستہ جوانیں جاہ ءَ انت ایشی ءَ چہ یک مھکمیں چاگرد ءُ جتائیں درملکی سرمایہ کاری ءِ موہ پیداک بنت۔ دیمروئی شریک ءُ جھان ءِ مالیاتی مارکیٹ آنی نیمگ ءَ چہ درائیں مالی کمک موافقت ءِ ایجنڈا ءِ واستہ المی بیت، چین چین ءُ پاکستان اقتصادی راہداری منصوبگ ءِ رنگ ءَ پاکستان ءِ یک دیریں شریک اِنت۔ وزیر خزانہ ءَ اے ھیالانی درشانی پنچ شمبے ءِ روچ ءَ سعودی عرب ءِ دارالحکومت ریاض ءَ گلوبل ڈویلپمنٹ مینسٹر فنانس کانفرنس مومنٹم 2025 ءَ ھوار ’’آب و ہوا ءِ ردوم: لوٹوکیں سرمایہ ءَ را چوں دل یکیمی کنگ بہ بیت‘‘ ءِ سرھال ءَ مزنیں تک ءِ دیوان ءِ ساھت ءَ درشان کتگ۔ ءُ میاں اوستمانی کمک زینا توکان، تاجکستان ءِ وزیر مالیات قاہر زادہ فیض الدین ءُ مغربی افریقہ ءِ دیمروئی بانک ءِ صدر سرگئی ایکوئے ءِ نام ءَ زانگ بیت۔ سیشن ءِ تہ ءَ نوکیں معیشت آنی واستہ موسمیاتی موافقت ءِ گیش بوھوکیں چیلنج آنی سر ءَ تفصیل ءَ گپ ءُ تران کنگ بوت۔ پاکستان ءِ گوستگیں موسم ءِ شدیدیں وئیل آنی ھوالگ ءَ وزیر ءِ ھزانگ ءَ گوشت کہ موسمی مٹ ءُ مٹ پاکستان ءِ واستہ گیش بوھوکیں حقیقت انت ایشی ءَ چہ مالی ءُ انسانی تاوان ءِ ھوپ گیش بوھگ ءَ انت۔ آئی ءَ 2022 ءِ تباہ کنوکیں سیلاب ءِ ذکر کتگ ءُ گشتگ کہ ایشی ءِ سبب ءَ 30 ارب ڈالر ءِ کساس ءَ تاوان ءِ گمان اِنت۔ اے سال ءِ سیلاب ءِ حوالہ ءَ آئی ءَ گوشت کہ اے وڑیں وئیل آنی شدت ءُ کساس ءَ مدام گیشی بوھگ ءَ اِنت، پاکستان ءَ اے سال ءَ جی ڈی پی ءِ تہ ءَ نزیک ءَ نیم درسد ءِ تاوان برداشت کنگی اِنت کہ ایشی ءَ چہ پیسر ءَ چہ زور ءِ آماچیں معیشت ءِ واستہ گیش مشکل پیداک کنگ ءَ اِنت۔ وزیر خزانہ ءَ گوشت کہ پاکستان ءَ سرجمیں معیشت ءِ استحکام ءِ وسیلگ ءَ وتی وسیلگ آنی تہ ءَ ترندیں کمک ءُ ریسکیو ءِ گامگیج آناں پیلو کنگ ءِ واستہ جوانیں مالی ءُ درائیں ذخائر جوڑ کتگ، بلے آئی ءَ اے گپ ءِ پدرائی کت کہ نوک جوڑیشت ءُ بحالی ءِ واستہ مزنیں کساس ءَ درائیں کمک ءِ ضلورت اِنت۔ وزیر خزانہ ءَ پاکستان ءِ نیشنل ایمرجنسی سینٹر ءَ یک نوکیں مصنوعی ذہانت ءِ وسیلگ ءَ کار کنوکیں زوتیں ھال ءِ نظام ءِ سوبمندیں دیمروئی ءِ ھم ذکر کت کہ ایشی ءَ چہ ماہانہ بنیاد ءَ موسم ءِ پیش گوئی کنگ بوھگ ءَ اِنت، ایشی ءَ چہ پیشگی منصوبگ بندی ءُ ترندیں پسو ءِ وسیلگ جوڑ بیت۔ بلے آئی ءَ گوشت کہ مزنیں کچ ءُ کساس ءِ لوٹ آنی واستہ پاکستان ءِ وتی وسیلگ ناکافی انت، ایشی ءِ واستہ کثیر جہتی شریکداری ءُ نجی شعبہ ءِ ھوار بوھگ المی انت۔ دیمروئی ءِ ضلورت ءُ موسمیاتی ردوم ءِ نیام ءَ توازن ءِ بابت ءَ جست ءُ پرس ءِ سر ءَ وزیر ءِ ھزانگ ءَ گوشت کہ پاکستان ءَ را دگنیا ءِ موسمیاتی رد ءَ زیان مندیں ملک آنی تہ ءَ یکے ءِ بستار ءَ گرین ہاؤس گیس آنی کشگ ءِ کمی ءِ واستہ وتی کوشست آناں برجاہ دارگی اِنت بلے اصل ءُ ترندیں لوٹ ردوم ءِ واستہ مالی کمک اِنت۔ وزیر خزانہ ءَ حکومت پاکستان ءِ ورلڈ بینک ءِ گوما 10سالی ملکی شراکت داری فریم ورک ءِ حوالہ دات کہ ایشی ءِ ارزشت 20ارب ڈالر ءِ کساس ءَ اِنت ایشی ءِ تہ ءَ یک سیمی بھر موسمیاتی لچک ءُ ڈی کاربونائزیشن ءِ واستہ ایر کنگ بوتگ۔ وزیر خزانہ ءَ اے گپ ءِ سر ءَ زور پر دات کہ اے ذمہ واری نوں پاکستان ءِ سر ءَ اِنت کہ آ وھد ءِ سر ءَ مزنیں کوالٹی ءِ ، بینک ءِ لائکیں منصوبگ آناں دیمروئی بہ دنت تانکہ اے فنڈز آنی رسائی ءَ را دل یکیمی کنگ بہ بیت۔ وزیر خزانہ ءَ گرین کلائمیٹ فنڈ ءُ لاس اینڈ ڈیمیج فنڈ ءِ وڑیں گلوبل کلائمیٹ فنانس فنڈز ءِ بابت ءَ جیڈھ ءِ درشانی کت ءُ گوشت کہ اے فنڈز سست ءُ گرانیں بیوروکریسی ءِ آماچ انت، ایشی ءِ پیچیدہ منظوری ءِ عمل نزوریں ملک آنی واستہ وھد ءِ سر ءَ رسائی ءِ تہ ءَ رکاوٹ جوڑ کنت۔ ایشی ءِ برعکس پاکستان ءَ را کثیر جہتی وسیلگ آنی نیمگ ءَ چہ موثر کمک ءِ رسگ بندات کتگ، ایشی ءِ مثال آئی ایم ایف ءِ موسمیاتی ردوم ءِ فنڈ ءِ نیمگ ءَ چہ 200 ملین امریکی ڈالر ءِ اولی بھر ءِ رسگ ءَ چہ گندگ بیت۔ وزیر ءِ ھزانگ ءَ گوشت کہ وھدے کہ ملکی مالیاتی وسیلگ آنی بھر ءُ بانگ برجاہ بیت، پاکستان ءِ موافقت ءِ ایجنڈا ءِ واستہ دیمروئی شریک ءُ جھان ءِ سرمایہ کاری مارکیٹ آنی نیمگ ءَ چہ درائیں مالی کمک المی مانیت۔ آئی ءَ یک عملی ءُ مرحلہ وار حکمت عملی ءِ ضلورت ءِ سر ءَ زور پر دات کہ ایشی ءِ مول ءُ مراد پیسر ءَ چہ دستیابیں وسیلگ آناں کارمرد کنگ ءُ کم کم ءَ مالی کمک ءِ ھستیں فرق ءَ را پُر کنگ اِنت۔ درملکی سرمایہ کاری ءُ موسم دوستیں دیمروئی ءِ جیڈھ ءِ سر ءَ وزیر ءِ ھزانگ ءَ گوشت کہ سرجمیں دگنیا ءِ وزیر ھزانگ آناں راجی بجٹ آنی تہ ءَ موسمی اولویت آناں یکجا کنگ ءَ سرکاری محکمہ ءُ مالیاتی نظام ءِ نیام ءَ یکوئی پیداک کنگ لوٹ ایت۔ وزیر ءِ ھزانگ ءَ گوشت کہ امریکہ ءِ گوما پاکستان ءِ سیادی ءَ را ھاسیں رنگ ءَ معدنیات ءُ کان کنی، مصنوعی ذہانت، بلاکچین ءُ ڈیجیٹل انفراسٹرکچر ءِ وڑیں ٹیکنالوجی آنی پڑ ءَ مزنیں کساس ءَ مھکم بوتگ۔ پاکستان ءِ پرچم برداریں تانبہ ءِ کان کنی منصوبگ ریکو دق ءِ بابت ءَ گپ جنان ءَ آئی ءَ اے منصوبگ ءَ را پاکستان ءِ اقتصادی ءُ توانائی ءِ ردوم ءِ آیوکیں وھد ءِ واستہ مزنیں پیشرفت لیک اتگ۔ انٹرنیشنل فنانس کارپوریشن ءِ سروکی ءَ اے منصوبگ ءِ 7 ارب ڈالر ءِ مالی بندش ءِ سبب ءَ امریکی ایکسیم بینک ھم مزنیں شریک ءِ بستار ءَ ھوار بوتگ ءُ اے یک مزنیں سنگ میل ءِ انت۔ وزیر ءِ ھزانگ ءَ گوشت کہ کان کنی منصوبگ ءَ چہ 2028 ءَ تجارتی آپریشن ءِ اولی سال ءَ پاکستان ءِ استیں برآمدات ءِ 10درسد ءِ برابر ءِ درملکی زرّ ءِ درآمد کنگ ءِ گنجائش است اِنت، ایشی ءَ چہ منصوبگ ءِ دیمروئی ءِ وھد ءَ اقتصادی دیمروئی ءُ درملکی زرّ ءِ درآمد ءِ تہ ءَ کمک رسیت۔