پاک تیونس ءِ چارمی دور ءِ سیاسی شور ءُ سلاہ، جتا جتائیں پڑاں کمک، دو نیمگی سیادی ءِ سرجمیں دائرہ کار ءِ چار ءُ تپاسی، درئی کارانی کارگس

اسلام آباد۔11دسمبر (اے پی پی): پاکستان ءُ تیونس ءِ نیام ءَ دو نیمگی سیاسی مشاورت ءِ چارمی دور تیونس ءَ بوت۔ پنچ شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ پاکستانی ڈل ءِ سروکی ءَ گیشیں درئی کارانی سیکرٹری (افریقہ) حامد اصغر خان ءَ کتگ وھدیکہ تیونس ءِ ڈل ءِ سروکی ڈائریکٹر جنرل (ایشیا) سلیم غرانی ءَ کتگ ات۔ گپ ءُ تران ءِ تہ دوئیں نیمگ ءَ دو نیمگی سیادی ءِ سرجمیں دائرہ کار ءِ سر ءَ چار ءُ تپاسی کنگ بوتگ ایشی ءِ تہ ءَ سیاسی کمک، مزن تک ءِ تبادلہ، تجارت ءُ سرمایہ کاری، دفاعی ءُ سلامتی کمک، وانگ ءُ زانگ ءُ مردم آنی نیام ءَ رابطہ ھوار اَنت۔ ایشاں 2026 ءَ اسلام آباد ءَ برجم دارگ بوھوکیں 10می یکجائی کمیشن ءِ دیوان ءَ چہ پیسر اقتصادی کمک ءَ را گیش کنگ ءِ راہ آنی سر ءَ ھم گپ ءُ تران کت۔ڈل آناں کثیر جہتی فورم آنی تہ ءَ ھاسیں رنگ ءَ اقوام متحدہ ءُ اسلامی کمک ءِ گل آنی تہ ءَ وت مہ وتی ھمگرنچی ءَ را گیش کنگ ءِ سر ءَ تپاک کت۔ ایشانی تہ ءَ میاں اوستمانی، فلسطین ءُ شمالی افریقہ ءِ جاور ھال ھوار دمگی ءُ میاں اوستمانی دیمروئی آنی سر ءَ ھم گپ ءُ تران کنگ بوت۔ ایڈیشنل سیکرٹری درئی کار (افریقہ) ءَ وزارت درئی کار ءَ دری کارانی سیکرٹری محمد بن عید ءَ گوں ھم گند ءُ نند کتگ۔ دوئیں نیمگ ءَ دو نیمگی سیادی آناں گیش وسعت دیگ ءُ توامیں پڑ آنی تہ ءَ کمک ءَ را دیمروئی دیگ ءِ واستہ وتی جزم ءِ دوبر پدر کت۔ بیان ءِ رد ءَ پاکستان ءُ تیونس ءِ نیام ءَ دیریں دوستی ءِ سیادی است انت کہ ایشی ءِ تہ ءَ یکے دومی ءِ احترام ءُ نزیکیں کمک ءِ رنگ انت۔ اے سال ءَ دوئیں ملک آنی نیام ءَ سفارتی سیادی آنی برجائی ءِ 67 سال سرجم بیت۔