کرپشن ءِ ھلاسی راجی فرض اِنت، سرجمیں راج ءَ را اے آفت ءِ ھلاپ ءَ یکجاھی ءَ اوشتگی اِنت، راجی اسمبلی ءِ اسپیکر سردار ایاز صادق ءُ چیئرمین نیب لیفٹیننٹ جنرل (ریٹائرڈ) نذیر احمد ءَ سرپدی واک ءَ گشتانک

اسلام آباد۔10دسمبر  (اے پی پی):راجی اسمبلی ءِ اسپیکر سردار ایاز صادق ءُ چیئرمین نیب لیفٹیننٹ جنرل (ریٹائرڈ) نذیر احمد ءَ گشتگ کرپشن ءِ ہلاس کنگ راجی فرض انت ءُ سرجمیں راج ءَ اے وبا ءِ ہلاپ ءَ یکجائی ءَ اوشتگی انت۔ آ میاں اوستمانی انسداد بدعنوانی روچ ءِ درگت ءَ نیب راولپنڈی اسلام آباد ءِ نیمگ ءَ برجم داشتگیں سرپدی واک ءَ گوں گشتانک کنگ ءَ اتنت۔ نیب ءِ جارکش ءِ رد ءَ اسپیکر ایاز صادق ءَ وتی گشتانک ءِ تہ ءَ گوشت کہ نیب ءِ اصلاحی پالیشی آنی آسر ءَ ادارگ ءِ بابت ءَ ترس ءُ بیم ءُ ھیران بوھگ ءِ مارشت ھلاس بوتگ وھدیکہ الس، کاروباری برات، سیاست دان ءُ سرکاری کارندہ آنی دلبڈی بحال بوتگ۔ آئی ءَ گوشت کہ گوستگیں دو ءُ نیم سال آنی تہ ءَ نیب ءَ وفاقی ءُ صوبائی حکومت آنی کمک ءَ مزنیں کساس ءَ ریکوری کتگ ایش ستا کرز انت۔ نیب ءِ چیئرمین لیفٹیننٹ جنرل (ریٹائرڈ) نظیر احمد ءَ اے موہ ءِ سر ءَ گوشت کہ نیب وتی آئینی مینڈیٹ ءِ پیلو کنگ ءِ واستہ ھمک رنگ ءِ کوشست کنگ ءَ انت ءُ مرچیگیں راہ لس واھشت ءِ علامت انت کہ سرجمیں راج کرپشن ءِ ھلاسی ءَ کنگ لوٹ ایت۔ آئی ءَ گوشت کہ شفافیں اقتصادی ءُ چاگردی نظام ءِ جوڑ کنگ ایوک ءَ ادارگ آنی نیام ءَ وت مہ وتی کمک ءِ وسیلگ ءَ ممکن انت۔ نیب راولپنڈی/اسلام آباد ءِ نیمگ ءَ برجم داشتگیں اے سرپدی واک چار شمبے ءِ روچ ءَ اسلام آباد ءَ برجم دارگ بوتگ ات، ایشی ءِ سروکی ءَ راجی اسمبلی ءِ اسپیکر سردار ایاز صادق، چیئرمین لیفٹیننٹ جنرل (ریٹائرڈ) نذیر احمد ءُ ڈی جی نیب (اسلام آباد/راولپنڈی)وقار احمد واک ءِ تہ ءَ مزنیں کساسے ءَ سیاسی سروک، پارلیمنٹ ءِ باسک، سفارتکار، سرکاری کارندہ، روت ھلال کمیٹی ءُ عالم آنی ڈل، اسلام آباد ءُ راولپنڈی چیمبرز آف کامرس ءِ نمائندگ، سول سوسائٹی، میڈیا، نودربر ءُ نیب ءِ مزنیں افسر ءُ کارندہ آں بھر زرتگ۔ اسپیکر سردار ایاز صادق ءَ گوشت کہ نیب ءِ اصلاحات ءِ پالیشی آنی سبب ءَ ادارگ ءِ جوانیں امیج بحال بوتگ ۔ گوستگیں دو ءُ نیم سال آنی تہ ءَ غیر معمولی ریکوری نیب ءِ کارکردگی ءِ ثبوت انت۔ نیب ءَ لٹ داتگیں زر مہلوک ءَ لوٹائینگ ءَ حقیقی ریلیف داتگ۔ کرپشن یک زہر یے کہ راج ءِ معاشی ءُ چاگردی بُن ھشتاں نزور کنت۔ حکومت کرپشن ءِ سرجمی ءَ ھلاسی ءِ واستہ جزمیگ انت ءُ نیب ءَ ھوار توامیں ادارگ آنی سرجمی ءَ کمک است انت ۔ نیب ءِ چیئرمین لیفٹیننٹ جنرل (ریٹائرڈ) نذیر احمد ءَ گوشت کہ مرچی ءِ سیر کرپشن ءِ ھلاپ ءَ راجی یکوئی ءِ نشان انت۔ الس ءَ گوں دزبندی انت کہ کرپشن ءِ حلاف ءَ توار چست بہ کن انت ءُ نیب ءِ کمک ءَ بہ کن انت۔ یک منصفانہ ءُ شفافیں نظام ءِ جوڑ کنگ ءِ ھاتر ءَ ادارہ آنی باہمی کمک ءِ سبب ءَ بوت کنت۔ گوستگیں سئے سالانی تہا 1000 کلدار ءِ زرّ بوتگ۔ 207ارب ءِ زرّ 131500 ءَ چہ گیش زدگیں مردماں پدا داتگ اَنت۔ ایوک ءَ اے سال ءَ 1000 کلدار بوتگ۔ 164ارب کلدار 70 ہزار ءَ چہ گیش مردماں لوٹائینگ بوت کہ نیب ءِ کارکردگی ءِ گواہی انت۔ ڈی جی نیب وقار احمد چوہان ءَ شریکیں مردمانی منت گپت ءُ گوشت کہ کرپشن کجام ھم یک ادارگ ءِ جیڈھ نہ انت بلکینگ ءَ سرجمیں راج ءِ جیڈھ انت ءُ مرچیگیں پیادگ اے اجتماعی جزم ءُ یکجائی ءِ عملی درور انت۔ واک ءِ تہا بہر زوروکیں جتا جتائیں ہاؤسنگ اسکیم ءُ مالی بے رھبندی ءِ آماچیں مردماں ھم نیب ءِ ریکوری ءِ سر ءَ دل یکیمی ءِ درشانی کتگ ءُ گوشتگ کہ نیب ءَ راستی ءَ وتی جیڈھ گیش ءُ گیوار کتگ اَنت۔ شریکیں مردماں نیب ءِ نیمگ ءَ کرپشن ءِ ھلاپ ءَ سرپدی مہم ءَ را ساڑاتگ ءُ حکومت ءُ نیب ءَ گوں سرجمی ءَ کمک ءِ دل یکیمی داتگ۔