موسمیاتی بدلی اے وھد ءَ مئے واستہ مستریں چیلنج اِنت، مارا درستاں یکجاہ بوھگی اِنت کہ ایشی ءَ گوں دیم پہ دیم بہ بئیں، ڈاکٹر مصدق ملک

اسلام آباد۔10دسمبر  (اے پی پی):موسمی بدلی ءُ چاگردی یکوئی ءِ وفاقی وزیر ڈاکٹر مصدق ملک ءَ گوشت کہ موسمی بدلی اے وھد ءَ مئے واستہ مستریں چیلنج اِنت، ایشی ءَ گوں گر ءُ چیل بوھگ ءِ واستہ مارا درستاں یکجائی ءَ کار کنگی اِنت۔ اے ھیالانی درشانی آئی ءَ چار شمبے ءِ روچ ءَ برطانیہ ءُ پاکستان گرین کمپیکٹ ءِ بنگیج ءِ مراگش ءَ گوں تران کنان ءَ کت۔ اے مراگش اسلام آباد ءِ دمگی ہوٹل ءَ برجم دارگ بوت۔ اے معاہدے ءِ رد ءَ پاکستان ءُ برطانیہ گرین کمپیکٹ ءِ چیر دستی ءَ چاگرد دوستیں پالیسی آنی تہ ءَ وت مہ وتی کمک ءَ را گیش کن اَنت۔ اے موہ ءِ سر ءَ وفاقی وزیر ڈاکٹر مصدق ملک ءَ گوشت کہ برطانیہ ءُ پاکستان ءِ نیام ءَ موسمیاتی کمک ءِ تہ ءَ جوانیں تجروبت آنی تہ ءَ شریکی کنگ بیت ایشی ءِ تہ ءَ جندی سرمایہ کاری ءِ واستہ نوکیں موہ آناں پٹ ءُ پول کنگ بیت۔ وفاقی وزیر ءَ گوشت کہ اے وھد ءَ موسمی بدلی مئے واستہ مستریں چیلنج اِنت، ایشی ءَ گوں گر ءُ چیل بوھگ ءِ واستہ مارا درستاں یکجائی ءَ کار کنگی اِنت۔