صوبگ آنی وت مہ وتی  رابطہ کاری ءِ بابت ءَ مزن وزیر ءِ مشیر سینیٹر رانا ثنا اللہ ءَ پاکستان ءَ قازقستان ءِ سفیر ءَ گوں گند ءُ نند

اسلام آباد۔10دسمبر  (اے پی پی):وزارت ءِ بین الاقوامی ءِ ھوالگ ءَ مزن وزیر ءِ مشیر سینیٹر رانا ثنا اللہ ءَ گوں پاکستان ءَ قازقستان ءِ سفیر یرژان کستافین ءَ گند ءُ نند کت۔ گند ءُ نند ءَ صوبہ آنی نیام ءَ رابطہ ءِ وفاقی سیکرٹری محی الدین احمد وانی ءُ وزارت ءِ ایندگر مزنیں کارندہ آں ھم شریک بوت۔ گند ءُ نند ءَ پاکستان ءُ قازقستان ءِ نیام ءَ تجارت، لیب ءُ گوازی، سیل ءُ سواد، دمگی رابطہ ءُدود ءُ ربیدگ ءِ شوبگ ءَ وت مہ وتی دلپوشی ءُ کمک ءِ دو نیمگی جیڈھ آنی سر ءَ سرجمی ءَ گپ ءُ تران کنگ بوت۔ قازقستان ءِ سفیر ءَ دوئیں ملک آنی نیام ءَ بیپار ءِ استیں جاور ھال آنی سر ءَ رژنائی ءِ شنگ کنگ ءَ گوشت کہ پاکستان کشت ءُ کشاری چیز چوشکہ کوینوا، آم، پیاز، سرجیکل انسٹرومنٹس ءُ اے دگہ چیز قازقستان ءَ برآمد کنت۔ آئی ءَ گوشت کہ اے تجارتی کمک دوئیں ملک آنی واستہ سک باز ارزشت ءِ انت ۔ اے موہ ءِ سر ءَ سینیٹر رانا ثناء اللہ ءَ گوشت کہ پاکستان ءِ آم ءُ کوئنو ءِ تام ءُ کوالٹی ءِ رد ءَ دگنیا ءِ تہ ءَ یک جتائیں بستار ءِ واھند اِنت ءُ جھان ءِ تک ءَ ایشی ءِ ھچ وڑیں مثال نیست۔ آئی ءَ گوشت کہ پاکستان وتی کشت ءُ کشاری برآمدات ءَ را گیش گیش کنگ ءِ واھشت مند انت۔ قازقستان ءِ سفیر ءَ اے گپ ءِ سر ءَ دلگوشی دات کہ اے وھد ءَ دوئیں ملک آنی نیام ءَ بیپار ءُ ٹرانسپورٹ ءِ تہ ءَ مشکلات ءِ آماچ انت پرچا کہ پاکستان ءُ اوگانستان ءِ سیم سر ءِ بند بوھگ ءَ چہ دمگی رابطہ ءِ سر ءَ تاوان رستگ۔ ایشی ءِ سر ءَ سینیٹر رانا ثناء اللہ ءَ رد ءَ گوشت کہ پاکستان ءَ اوگان جیڈھ ءِ گیواری ءِ واستہ ھمک رنگ ءِ کوشست کتگ بلے اوگان سرکار کمک ءِ واستہ تیار نہ انت۔ آئی ءَ اے گپ پدر کت کہ پاکستان ءَ اوگانستان ءِ واستہ بے حسابیں قربانی داتگ ءُ لاکھوں اوگان شہری آنی میزبانی کتگ بلے بدبھتی ءِ گپ ایش انت کہ اوگانستان ءِ سرزمین پاکستان ءَ ناشرکاریں عناصر آنی کمک ءِ واستہ کارمرد کنگ بوھگ ءَ انت۔ آئی ءَ بے دروریں لیکہ زرتگ ءُ گشتگ کہ پاکستان وتی سرڈگار ءِ سرا ہچ وڑیں ناشرکاری ءِ موہ نہ دنت۔ قازقستان ءِ سفیر ءَ گیش گوشت کہ پاکستان مئے واستہ یک ھاسیں اسٹریٹجک شریک اِنت ءُ قازقستان وانگ ءُ زانگ، کشت ءُ کشار، دوا، دود ءُ ربیدگ ءُ کھیڈ ءَ ھوار ایندگر شوبگ آنی تہ ءَ پاکستان ءِ گوما کمک ءَ را گیش کنگ لوٹ ایت۔