پاکستان ءِ واستہ کینیڈا ءِ ہائی کمشنر طارق علی خان ءَ راجی فوڈ سیکیورٹی ءُ پٹ ءُ پول ءِ وفاقی وزیر ءَ گوں گند ءُ نند کت، کشت ءُ کشاری شوبگ ءَ دو نیمگی کمک ءِ دیمروئی ءُ تکنیکی کمک ءِ تہ ءَ گیشی ءِ بابت ءَ گپ ءُ تران

اسلام آباد۔10دسمبر  (اے پی پی):ءِ واستہ کینیڈا ءِ ہائی کمشنر طارق علی خان ءَ چار شمبے ءِ روچ ءَ راجی فوڈ سیکیورٹی ءُ پٹ ءُ پول ءِ وفاقی وزیر رانا تنویر حسین ءَ گوں گند ءُ نند کت، ایشی ءِ تہ ءَ پاکستان ءُ کینیڈا ءِ نیام ءَ کشت ءُ کشاری ءِ شوبگ ءَ دو نیمگی کمک ءِ دیمروئی، ھاسیں کشت ءُ کشاری سامان آنی مارکیٹ ءِ رسائی ءِ تہ ءَ گہتری ءِ سر ءَ گپ ءُ تران کت۔ تکنیکی تعاون ءِ سرا کار کنگ ءَ انت۔ وفاقی وزیر برائے فوڈ سیکیورٹی ءَ را وش اتک کنان ءَ پاکستان ءَ کینیڈا ءِ گوما کشت ءُ کشاری سیادی ءَ را گیش مھکم کنگ ءِ جزم ءِ درشان کت۔ آئی ءَ اے گپ من اِت کہ کینیڈا پائیدار کشت ءُ کشاری، نوکیں وردن ءِ پیداوار ءِ نظام ءُ سائنس ءِ سر ءَ بنیات ءِ سر ءَ ریگولیٹری فریم ورک ءِ تہ ءَ جھان ءِ سروک اِنت ءُ پاکستان کینیڈا ءِ تجربگ ءَ چہ نپ چست کنگ لوٹ ایت۔ رانا تنویر حسین ءَ مارکیٹ ءِ رسائی ءِ جیڈھ آنی گیواری ءِ ارزشت ءِ سر ءَ زور پر دیان ءَ گوشت کہ کینیڈا ءَ چہ کینولا ءِ درآمد پاکستان ءِ کشت ءُ کشاری لوٹ آنی یک ھاسیں بھر اِنت، پمیشکا اے درگت ءَ سرٹیفکیشن ءُ رجسٹریشن ءِ عمل ءَ را وھد ءِ سر ءَ دل یکیمی کنگ المی اِنت۔ آئی ءَ اے گپ ھم پدر کت کہ پاکستان وتی کشت ءُ کشاری برآمدات ءَ را کینیڈا ءِ مارکیٹ آنی تہ ءَ گیش کنگ لوٹ ایت ایشی ءِ تہ ءَ امب ، برنج، مالٹا، سردہ ، حلال گوشت،  پولٹری گوشت ھوار اَنت۔ وفاقی وزیر ءَ گوشت کہ پاکستان کینیڈا ءَ حلال سامان ءِ برآمد ءَ را گیش کنگ ءِ واستہ جزمیگ انت ءُ اے درگت ءَ حلال جیلیٹن، وردن  ءُ وراکی  چیز پولٹری پروڈکٹس ءِ واستہ سی ایف آئی اے سرٹیفیکیشن ءِ عمل ءَ را ترند کنگ ءِ ضلورت انت۔ وفاقی وزیر ءَ کشت ءُ کشاری شوبگ ءَ را نوک جوڑ کنگ ءُ جھان ءِ لوٹ آناں پیلو کنگ ءِ واستہ کینیڈا ءِ تکنیکی کمک ءِ ضلورت ءِ سر ءَ ھم زور پر دات۔ آئی ءَ گوشت کہ پاکستان ءَ ایمبریو ٹرانسفر ٹیکنالوجی ءِ تہ ءَ کمک ءِ ضلورت اِنت، درآمد ءِ رسک ءِ اندازہ کاری ءِ تہ ءَ تربیت ءُ جانور آنی جان سلامتی ءَ گوں سیادی داروکیں نوکیں انفارمیشن سسٹم ءِ برجائی ءِ ضلورت اِنت۔ آئی ءَ لوٹ کت کہ کینیڈا ءَ را بی ایس ای ءِ ناچیزیں رسک ڈوزیئر ءِ سرجم کنگ ءُ ایف ایم ڈی کنٹرول پروگرام ءِ دیمروئی ءِ واستہ پاکستان ءَ را ھم کمک بہ کنت تانکہ پاکستان ءَ را جھان ءِ مارکیٹ آنی تہ ءَ جوانیں رسائی رس ایت۔ آئی ءَ اے گپ ءِ پدرائی کت کہ پاکستان سائنس ءِ سر ءَ بنیات ءِ سر ءَ تجارت ءِ حمایت کنت ءُ فائٹوسینٹری گامگیج آنی ھوالگ ءَ پیسلہ پڑ ءَ کتگیں معتبریں جائزہ ءُ مھکمیں رسک ءِ جائزہ ءِ سر ءَ بنیات ءَ کنگ بہ بنت۔ ہائی کمشنر طارق علی خان ءَ پاکستان ءِ لیکہ ءَ را ساڑات ءُ گوشت کہ کینیڈا کشت ءُ کشاری پیداوار ءُ فوڈ سیفٹی ءِ بازیں شوبگ آنی تہ ءَ تکنیکی کمک ءَ را گیش مھکم کنگ ءِ واستہ تیار اِنت۔ آئی ءَ وزیر ءَ را سرپد کت کہ کینیڈا ءِ کیڑہ ءِ کنٹرول ءِ نظام آئی ایس پی ایم 14 ءِ رد ءَ سک باز مھکم اِنت ءُ کینیڈا لوٹ ایت کہ پاکستان اے نظام ءِ سر ءَ چار ءُ تپاسی بہ کنت ءُ آیوکیں وھد ءَ سسٹم اپروچ ءِ چیر دستی ءَ اناج ءِ برآمدات ءَ را من ایت۔ آئی ءَ اے ھم دل یکیمی دات کہ کینیڈا ڈی پی پی ءِ چار باسکی تکنیکی ٹیم ءِ تر ءُ تاب ءَ را سرجمی ءَ آسراتی دنت تانکہ کینیڈا ءِ پیداواری دمگ، گودام، ٹرانسپورٹ چین ءُچار ءُ تپاس ءِ پڑ آنی براہ راست چار ءُ تپاسی کنگ بہ بیت۔ ہائی کمشنر ءَ اے گپ ءِ ھم ھال دات کہ کینیڈا کینولا، سویابین ءُ پام آئل ءِ پیداوار ءَ را گیش گیش کنگ ءَ اِنت ءُ جی ایم او لائسنسنگ ءِ جیڈھ گیواری ءِ وھد ءَ پاکستان ءَ کینولا ءِ برآمدات ءَ را پدا بندات کنگ ءِ واھشت مند اِنت۔ ہائی کمشنر ءَ دو نیمگی سیاسی مشاورت آنی تہ ءَ پاکستان ءِ جوانیں بھر زوری ءَ را ساڑات ءُ ادارگی تک ءَ اے عمل ءَ را گیش مھکم کنگ ءِ ضلورت ءِ سر ءَ زور پر دات۔ آئی ءَ وزیر ءَ را ھال دات کہ کینیڈا ءِ ارادہ اِنت کہ آ اپریل 2026 ءَ برجم دارگ بوھوکیں کینیڈا ءِ کشارانی کنونشن ءَ راجی فوڈ سیکیورٹی ءُ پٹ ءُ پول ءِ وزارت ءِ کارندہ آناں دعوت بہ دنت ءُ پاکستان ھم ایڈیبل آئل کانفرنس ءَ بھر زوری ءِ واستہ جزم اِنت۔ آئی ءَ گوشت کہ کینیڈا پاکستان ءَ را خطہ ءِ تہ ءَ کلیدی شریک لیک ایت ءُ پاکستان ءِ فوڈ سیکیورٹی ءَ را گیش کنگ، آئی ءِ کشت ءُ کشاری نظام ءَ را نوک جوڑ کنگ ءُ آئی ءِ تجارتی مقابلہ ءِ تہ ءَ گیشی ءِ واستہ کمک ءَ را برجاہ دار ایت۔ فوڈ سیکیورٹی ءِ وفاقی وزیر رانا تنویر حسین ءَ گوشت کہ پاکستان کینیڈا ءِ گوما کشت ءُ کشاری کمک ءَ را گیش کنگ ءِ واستہ سنجیدہ اِنت ءُ دوئیں ملک ٹیکنالوجی ءِ ٹرانسفر، ویلیو ایڈیشن، لائیو سٹاک ءِ گہتری، ہائبرڈ سیڈ ریسرچ ءُ کشت ءُ کشاری مشینری ءِ جوڑ کنگ ءِ تہ ءَ نزیکیں کمک ءَ چہ مزنیں نپ چست کت کن اَنت۔ آئی ءَ تکنیکی مشاورت، ریگولیٹری ہم آہنگی ءُ مارکیٹ ءِ رسائی ءِ جیڈھ آنی سر ءَ پیشرفت ءَ را برجائی ءِ واستہ یکجائی ورکنگ گروپ ءِ جوڑ کنگ ءِ تجویز داتگ۔ گند ءُ نند جوانیں رنگ ءَ آسر بوتگ ات ایشی ءِ تہ ءَ دوئیں نیمگاں پاکستان ءُ کینیڈا ءِ نیام ءَ آیوکیں وھد ءِ ھاترا وت مہ وتی کشت ءُ کشاری شراکت داری ءَ را دیم ءَ برگ ءِ ھاترا وتی جزم ءِ درشانی کتگ ات۔