ملک ءِ دیمروئی ءُ برجائی ءِ واستہ المی اِنت ءُ ناشرکاری ءِ ھلاسی المی اِنت، پاکستان ءِ سلاہ بندیں اُرد ءِ ھلاپ ءَ پروپیگنڈا ناقابل برداشت اِنت، مزن وزیر محمد شہباز شریف

اسلام آباد۔10دسمبر  (اے پی پی): مزن وزیر محمد شہباز شریف ءَ یکوئی ءُ یکوئی ءُ ناشرکاری ءِ ھلاسی ءَ را ملک ءِ دیمروئی ءُ برجائی ءِ واستہ المی لیکگ ءِ وھد ءَ گوشت کہ ایشی ءِ ھست نہ بوھگ ءَ اقتصادی بحالی ءِ واب پیلو نہ بیت، پاکستان ءِ سلاہ بندیں اُرد ءِ ھلاپ ءَ پروپیگنڈا ناقابل برداشت اِنت، قربانی کنگ نہ بیت۔ سول سروس ءَ یکجاہ کار کتگ ءُ معیشت کہ ڈیفالٹ ءِ کش ءَ ات پدا وتی راہ ءَ اتکگ۔ آ چار شمبے ءِ روچ ءَ نیشنل علما کنونشن ءَ گوں گشتانک دیگ ءَ ات۔ اے موہ ءِ سر ءَ نائب مزن وزیر ءُ دری کارانی وزیر اسحاق ڈار، چیف آف دفاعی فورسز ءُ چیف آف آرمی اسٹاف فیلڈ مارشل سید  عاصم منیر ، وفاقی وزیر ءِ اھوالکاری عطا اللہ تارڑ، وفاقی وزیر، مزنیں حکومت ءِ کارندہ ءُ مزنیں کساس ءَ  عالم ءُ شاھزانت ھوار  اتنت۔ مزن وزیر ءَ گوشت کہ اللہ تعالیٰ ءِ بے مٹیں فضل ءُ کرم ءُ زانتکار ءُ راج ءِ دعا آنی پد ءَ پاکستان ءَ انصاف ءِ جنگ ءَ مزنیں سوبمندی یے رست۔ سلاہ بندیں لشکر ءِ دلیری ءُ بہادری ءَ گوں دژمن ءَ پروش دات۔ دفاعی اُرد ءِ سروک فیلڈ مارشل سید  عاصم منیر  ءِ سروکی ءَ پاکستانی سلاہ بندیں اُرد ءَ گوں دلیری ءُ بہادری ءَ دژمن ءِ لائکیں پسو دات۔ اے سوبمندی ءِ تہا زمینی، دریا ءُ ہوا ءَ ھوار درستیں قوتانی کرد ستا کرز انت۔ مزن وزیر ءَ فرقہ وارانہ ہلاس کنگ ءَ را وھد ءِ ضلورت لیک اتگ ءُ گوشت کہ زانتکاراں تپاکی ءِ ھلاسی کنگی انت۔ راجی دیمروی ءُ مھکمیں تپاکی ءِ لوٹ اِنت کہ ایشی ءِ ھست نہ بوھگ ءَ ملک دیمروئی کت نہ کنت۔ مزن وزیر ءَ گوشت کہ بلوچستان ءُ خیبر پختونخوا ءَ ھمک روچ بے گناھیں مردم خوارج ءِ نیمگ ءَ ناشرکاری ءِ آماچ جوڑ بوھگ ءَ اَنت۔ فورسز سیکورٹی ءِ ورنا راجی دفاع ءِ ھاتر ءَ بے کساس قربانی دیگ ءَ انت۔ شہید آنی کربانی آناں شگر ءُ منت دیان ءَ گوشت کہ ایشانی کربانی بے سوب نہ رو اَنت۔ وہدے ما ہمے شہیدانی کھول ءَ گوں گند ءُ نند کنیں گڑا آ وتی شہیدانی سرا ناز کن انت ءُ آیانی دیم ءَ وشی ءِ تب گندگ بیت۔ ما وتی شہیدانی سرا مسخرہ کنگ ءِ موہ نہ دئیں۔ مزن وزیر محمد شہباز شریف ءَ گوشت کہ ملک اقتصادی برجائی ءُ دیمروئی ءِ نیمگ ءَ روگ ءَ انت۔ فوجی ءُ سیاسی قیادت ءَ یکجاہ بوتگ انت کہ ڈیفالٹ ءِ کش ءَ معیشت ءَ را پدا راہ ءِ سرا آرگ بہ بیت۔ انصاف ءِ جہد ءَ پد پاکستان گوں ترندی ءَ دیمروئی کنگ ءَ انت ۔ اقتصادی دیمروئی ءِ سفر ءَ ملک ءَ را جنزان کنگ ءِ واستہ سرکار ءَ شپ ءُ روچ محنت کتگ۔ محنت ءِ گوما پاکستان وام آنی تہ ءَ چہ کشگ ءُ وت مہ وتی ءِ سوبین بیت۔ آئی ءَ ناشرکاری ءِ ھلاسی ءَ را ملک ءِ دیمروئی ءِ واستہ المی لیک اتگ ءُ گوشت کہ ناشرکاری ءِ ھلاسی ءَ ابید اقتصادی زندگ بوھگ ءِ سفر ءَ را بندات کنگ نہ بیت۔ مزن وزیر ءَ پاکستان تحریک ءِ کوشست ءِ تہ ءَ زانتکار آنی کرد ءِ توسیپ کنان ءَ گوشت کہ پاکستان ءِ بُن ھشت ھُدا ءِ کلام ءِ سر ءَ ایر کنگ بوتگ، مئے پیرین آناں ملک ءَ را آجوئی آرگ ءِ واستہ وتی جان ندر کتگ، یک پاکستان ءِ مول ءُ مراد ءِ سرجم کنگ ءِ واستہ پاکستان ءَ را بھروسہ، ایمانداری  ءُ محنت ءِ وسیلگ ءَ جوڑ کنگ ءِ اُمیت ڈار اَنت۔ اے ملک ءِ مستریں۔ آئی ءَ گوشت کہ شپ ءُ روچ محنت ءِ وسیلگ ءَ دیمروئی ءُ وشھالی ممکن اِنت، ھما راج آں کہ دگنیا ءَ مزنی سوبمند بوتگ آں محنت وتی نکان جوڑ کتگ۔ مزن وزیر ءَ گوشت کہ ھمک کلڈار ءِ بچت کنگ ءَ چہ ما ملک ءِ اقتصادی آکبت مٹ کن آں ءُ ایشی ءَ قائداعظم ءُ علامہ اقبال ءِ واب آنی درشانی جوڑ کناں۔ راجی جیڈھ آنی سر ءَ یکوئی ءِ ضلورت ءِ سر ءَ زور پر دیان ءَ آئی ءَ گوشت کہ سرجمیں دگنیا انصاف ءِ جنگ ءَ پاکستان ءِ سوبمندی ءَ را من ایت، دژمن ھیران ءُ ھیران انت ءُ براتیں ملک وش نہ اَنت، دوستیں ملک آں انصاف ءِ جنگ ءَ سوبمندی ءَ را وتی جند ءِ سوبمندی مبارک بات داتگ۔ مزن وزیر ءَ پاکستانی اُرد ءِ حلاف ءَ پروپیگنڈا ناقابل برداشت لیکگ ءِ وھد ءَ گوشت کہ وتی اُرد ءِ دفاع کنگ زانتکار ءُ مئے درستانی ذمہ واری اِنت کہ آئی ءَ مئے دفاع ءَ وتی ھون ءَ گوں راجدپتر جوڑ کتگ ءُ مئے ابدمانیں دژمن ءَ را انچیں رنگ ءَ شکست داتگ کہ آ وتی زند ءَ ھم شموشکار نہ بیت۔