سیم سر آنی رکھینوکیں بامرد آنی واستہ  درآمد آنی زبان کارمرز کنگ بوتگ،  اسپیکر راجی اسمبلی

اسلام آباد۔10دسمبر  (اے پی پی): راجی اسمبلی ءِ اسپیکر سرڈار ایاز صادق ءَ گشتگ  کہ سیم سر آنی رکھینوکیں بامرد آنی واستہس درآمد آنی زبان  کارمرز کنگ بوتگ، مزن وزیر محمد شہباز شریف ءُ من باز رند ءَ گشتگ کہ گپ ءُ تران ءِ دروازگ مدام پچ انت۔ چار شمبے ءِ روچ ءَ پارلیمانی گس ءَ میڈیا ءِ نمائندگاں گوں تران کنان ءَ آئی ءَ گوشت کہ من ءُ مزن وزیر ءَ باز رند ءَ اپوزیشن ءَ را گشتگ کہ گپ ءُ تران ءِ دروازگ مدام پچ انت، ایشی ءِ پسو ءَ من گشاں کہ ما آرمی چیف فیلڈ مارشل ءَ گوں گپ ءُ تران کنگ لوٹاں۔ آئی ءَ گوشت کہ ھندوستان ءِ گوما جنگ کنوکیں  ارد  ءِ ھلاپ ءَ ھما زبان کارمرد کنگ بوتگ، پارلیمنٹ ءِ تہ ءَ گوں انصاف ءِ ھلاپیں زبان ءَ کارمرد کنگ بوتگ، اپوزیشن ءِ زبان ءَ ھم سیمسر آنی  رکھینوک  آنی واستہ کارمرد کنگ بوتگ، من باز رند ءَ گْوشتگ کہ من پارلیمنٹ ءِ تہ ءَ گوں انصاف ءِ ھلاپیں زبان ءَ کارمرد کنگ ءِ اجازت نہ دیاں۔ آئی ءَ گوشت کہ انصاف ءُ فوج ءِ ھلاپ ءَ ٹویٹ کنگ بوتگ انت، اپوزیشن ءَ جاور ھما جاہ ءَ سر کتگ انت کہ چہ ایشی ءَ واتر بوھگ ممکن نہ انت، من پہ گپ ءُ تران ءَ چار گام دیم ءَ کش اتگ بلے نوں چل گام پُشت ءَ کپتگ آں، اگاں پاکستان است انت گڈا ما درست آں، سرست ھم است انت ءُ ھمک چیز۔ یک جستے ءِ پسو ءَ آئی ءَ گشتگ اگاں اپوزیشن لوٹ ایت گپ ءُ تران کنگ بہ بیت گڈا شر انت ۔