مچ آملک اٹی پولیو مہم 15 آن 21 دسمبر آ اڈ ہلوک آ قومی مہم اٹی 4 کروڑ 50 لکھ آن زیات چناتے پولیو آن رکھ فراوان کننگک

اسلام آباد۔ 10 دسمبر (اے پی پی) مچ آملک اٹی پولیو مہم 15 آن 21 دسمبر آ اڈ ہلوک قومی مہم اٹی 4 کروڑ 50 لکھ آن زیات چناتے پولیو آن رکھ فراوان کننگک۔ قومی ایمرجنسی آپریشن سینٹر (نیشنل ای او سی) نا کنڈآن جاری سرجم حوال آتا رداٹ پنجاب اٹی 2 کروڑ 30 لکھ آن زیات چناتے پولیو نا پڑی کُنفنگک۔ سندھ اٹی 1 کروڑ 6 لکھ آن زیات چناتے پولیو نا پڑی کُنفنگک۔ خیبرپختونخوا ٹی 72 لکھ آن زیات چناتے پولیو نا پُڑی کُنفنگک۔ بلوچستان اٹی 26 لکھ آن زیات چناتے پولیو نا پُڑی کنفنگک۔ اسلام آباد اٹی 4 لکھ 60 ہزار آں زیات چناتے پولیو نا پڑی کُنفنگک۔ گلگت بلتستان اٹی 2 لکھ 28 ہزار آن زیات چناتے پولیو نا پُڑی کُنفنگک وخت اس کہ آزاد جموں وکشمیر اٹی 7 لکھ 60 ہزار آن زیات چناتے پولیو نا پُڑی کنفنگک۔ پولیو مہم اٹی 4 لکھ آن زیات نرینہ و نیاڑی پولیو ورکرز نما درگہ غا دستک ایترہ۔ کمامدارآک لمہ و باوہ غاتیان خواست کرینو کہ او پولیو ورکرآتے تینا درگہ غا بخیر اٹ پار۔ تینا 5 سال آن کم وئی چناتے پولیو آن بچفنگ کن اوفتے اِراپڑی المی کنفر۔