موسمیاتی بدلی تا اثرآتیان بچنگ کن وزیراعظم نا پارت آ گونڈ مدی ڈٹ جوڑ کننگ انگ ءِ، ڈاکٹر شذرہ منصب علی خان کھرل

اسلام آباد ۔ 10 دسمبر(اے پی پی) وزیرمملکت موسمیاتی بدلی ڈاکٹر شذرہ منصب علی خان کھرل پارینے کہ موسمیاتی بدلی تا اثرآتیان بچنگ کن وزیراعظم نا پارت آ گونڈ مدی ڈٹ جوڑ کننگ انگ ءِ، پاکستان ءِ بھاز موسمیاتی بدلی مون تروک ءِ۔ چارشنبے نادے آ قومی اسمبلی ٹی انجم عقیل خان نا سوج انا ورندی ٹی ڈاکٹر شذرہ منصب علی کھرل پارے کہ بنجائی حکومت و خاص کر شہباز شریف موسمیاتی بدلی تا اثرآتا نوٹس ءِ ہلکنے، موسمیاتی بدلی تا سوب آن پاکستان بھاز زہمی مریک، دادے خشک سالی، نوکاپ ، کلاؤڈ برسٹ کون آ قدرتی آفت آتا مون تروک ءِ، داڑتون مون تننگ کن گونڈ مدی ڈٹ جوڑ کرینے ، دا بابت اے 19 نومبر آ دیوان اس مس ہراٹی وزیراعظم پارت کرینے کہ 240 دے انا تہہ ٹی سلاہ و گام گیج آتیان معلومدار کننگے، موسمیاتی اثرآتیان بچنگ کن دِیر کوڑی کننگ کن کوڑی جوڑ کننگک، کمیونٹی نا بنداو آ گام گیج کننگک تانکہ دِیر انا بھاؤ ءِ کنٹرول کننگ مرے۔ اوپارے کہ اسلا م آباد اٹی ایئرکوالٹی ناپ انا اسہ ازباب اسے ، داسہ داڑے آبادی ودانے، پین مشین تا خلنگ آ کاریم مننگ ءِ، تانکہ چندی علاقہ غاتیٹی ایئرکوالٹی ءِ ہرسا گام گیج کننگ مرے۔