اسلام آباد۔ 10 دسمبر (اے پی پی) چیئرپرسن بی آئی ایس پی سینیٹر روبینہ خالد انسانی حق انا جہانی دے انا وخت آ تینا اسہ جاری بیان اسے ٹی پارینے کہ انسانی حق انا جہانی دے ننے بریبری، شرف و راجی انصاف نا یات دہانی کرفک، ہر انسان ءِ بنداوی حق دوئی ءِ، چائے اونا تعلق ہراکہ نسل ، مذہب یا زبان تون مرے، درشانی سلاہ نا آجوئی و …
انسانی حق انا جہانی دے ننے بریبری، شرف و راجی انصاف نا یات دہانی کرفک، سینیٹر روبینہ خالد
گیشتریں ھال
اسلام آباد۔ 10 دسمبر (اے پی پی) چیئرپرسن بی آئی ایس پی سینیٹر روبینہ خالد انسانی حق انا جہانی دے انا وخت آ تینا اسہ جاری بیان اسے ٹی پارینے کہ انسانی حق انا جہانی دے ننے بریبری، شرف و راجی انصاف نا یات دہانی کرفک، ہر انسان ءِ بنداوی حق دوئی ءِ، چائے اونا تعلق ہراکہ نسل ، مذہب یا زبان تون مرے، درشانی سلاہ نا آجوئی و فیصلہ غاتیٹی بشخ ہلنگ نا حق اسہ سوگو راج اسے نا بنداو ءِ۔ سینیٹر روبینہ خالد پارے کہ انسانی حق بیرہ بندغ نا آخا بلکن اجتماعی جہد نا واک اٹ سوگو مریک، بینظیر انکم سپورٹ پروگرام بے پرخ ملک انا کم و ود 1 کروڑ اُراتے مالی کمک فراوان کننگ ءِ، بینظیر کفالت، تعلیمی وظیفہ، نشوونما و کسبکار کون آ پروگرام تا کمک اٹ حقدار اُراتے زرگزرانی وتواجہی، تعلیم، جان جوڑی و روزگار نا وارخواہی فراوان کننگ انگ ءِ۔ اوپارے کہ بنداوی انسانی حق ءِ مون آ تخسا حکومت پدسلوک تپہ غاتا راجی آسودہی کن تینا مخلصانہ کوشست آتے مدام برجاتخک۔
