اسلام آباد۔ 10 دسمبر (اے پی پی) وزیراعظم نا خصوصی کمکار صنعت وپیداوار ہارون اخترخان اسلام آباد انٹرنیشنل بالی پٹ آ انڈونیشیا نا صدر پرابوووسوبیانتو ءِ رخصت کرے۔ وزارت صنعت و پیداوار نا کنڈآن جاری بیان نا رداٹ دورہ پاکستان اٹی صدر پرابوووسوبیانتو صدر مملکت آصف علی زرداری، وزیراعظم محمد شہباز شریف و چیف آف ڈیفنس فورسز و آرمی چیف فیلڈ مارشل سید عاصم منیر تون جتا جتا اوڑدہی …
انڈونیشیا نا صدر پرابوووسوبیانتو نا دورہ پاکستان سرسہبی اٹ پورو
گیشتریں ھال
اسلام آباد۔ 10 دسمبر (اے پی پی) وزیراعظم نا خصوصی کمکار صنعت وپیداوار ہارون اخترخان اسلام آباد انٹرنیشنل بالی پٹ آ انڈونیشیا نا صدر پرابوووسوبیانتو ءِ رخصت کرے۔ وزارت صنعت و پیداوار نا کنڈآن جاری بیان نا رداٹ دورہ پاکستان اٹی صدر پرابوووسوبیانتو صدر مملکت آصف علی زرداری، وزیراعظم محمد شہباز شریف و چیف آف ڈیفنس فورسز و آرمی چیف فیلڈ مارشل سید عاصم منیر تون جتا جتا اوڑدہی کرے ہرافتے ٹی ہڑتوم آکنڈآتا تعلقداری، ڈیہہ انا حالیت و آخبت نا کمکاری نا چندی پلوآتیا گپ وتران مس۔ اسلام آباد اٹی اڈ ہلوک پروقار دود اٹی صدر مملکت آصف علی زرداری انڈونیشیانا صدر پرابوووسوبیانتو ءِ پاکستان نا بڑزکو انگا سول اعزاز’’نشانِ پاکستان‘‘ تس ہرا ہڑتوم آ ملک آتا متکن آ شریداری و تین پہ تینی پت انا درشانی ءِ۔ دورہ ٹی پاکستان و انڈونیشیا واپار و ٹیکنالوجی نا بشخ آتیٹی کمکاری ءِ مون آ دننگ آ امنا کریر۔ داچرجوئی ٹی چندی معاہدہ و مفاہمتی یات داشت (ایم اویوز) آ ہم دستخط مس، ہرا آخبت اٹی ہڑتوم آ ملک آتا تعلقداری تے پین سوگو کننگ اٹ اہم مزل نا نشان مریک۔ حکومتِ پاکستان انڈونیشیا نا صدر نا سرسہب دورہ پاکستان ءِ ہڑتوم آ کنڈآتا کمکاری ٹی پیش رفت نا اسہ اہم ءُ گام اس گوندانے۔
