سوار محمدحسین شہید کون آدھرتی نا مارتیان ہی پاکستان نا دفاع ناقابل تسخیرءِ، وزیراعظم شہباز شریف نا کلہو

اسلام آباد۔ 10 دسمبر (اے پی پی) وزیراعظم محمد شہباز شریف لمہ وطن نا دفاع ءِ کرسا شہیدی نا جا م ءِ نوش کروک آ سوار محمدحسین شہید تون اوار غٹ شہیدآتے قومی تاریخ نا پیشانی  نا جھومر گوندسا پارینے کہ سوار محمدحسین شہید کون آ دھرتی نا مارتیان ہی پاکستان نا دفاع ناقابل تسخیرءِ۔ چارشنبے نادے آ سوار محمدحسین شہید(نشانِ حیدر) ءِ اونا 54 می شہیدی دے آ خراج عقیدت پیش کرسا وزیراعظم پارے کہ سوار محمدحسین شہید دھرتی نا بہادر گلزادہ ئس ہرانا 1971اٹی لمہ وطن نا رکھ اکن بے مٹ جیرت و بہادری اودے امرکرے۔ وزیراعظم پارے کہ سوار محمدحسین شہید کون آ دھرتی نا مارتیان ہی پاکستان نا دفاع ناقابل تسخیرءِ، 1971اٹی ظفروال، شکرگڑھ سیکٹراٹی سوار محمدحسین شہید جیرت، دلیری و بہادری نا درور اس قائم کرسا مچ آ قوم اناکاٹم ءِ  مدامی کن گمر اٹ بڑزکرے۔ اوپارے کہ لغور دشمن نا جلہوءِ تینا بے مٹ جیرت و حکمت عملی اٹ بے سہب کرے و پوسکن ءُ جنگی تاریخ اس نوشتہ کرے۔