اسپیکر قومی اسمبلی سردار ایاز صادق نا سوار محمدحسین شہید نشانِ حیدر ءِ اونا 54 می شہیدی دے آ خراج عقیدت پیش

اسلام آباد۔ 10 دسمبر (اے پی پی) اسپیکر قومی اسمبلی سردار ایاز صادق سوار محمدحسین شہید(نشانِ حیدر) ءِ اونا 54 می شہیدی دے آ خراج عقیدت پیش کرساپارینے کہ قوم انا دا بہادر گلزادہ نا عظیم قربانی تے سلام پیش کیوہ۔ چارشنبے نادے آ تینا کلہواٹی اوپارے کہ سوار محمدحسین نا شجاعت پاکستان نا عسکری تاریخ نا روشنا بشخ ءِ، سوار محمدحسین شہید 1971 نا جنگ اٹی شجاعت و بہادری نا درور اس نوشتہ کرے، اوظفروال، شکرگڑھ سیکٹراٹی دشمن ءِ بھلو نسخان اس تس، خلق ہرارخورد انا خڑک سوار محمدحسین شہید دشمن نا ٹینک آتا گچین پیدواری ءِ کرے۔ اوپارے کہ سوار محمدحسین نا پیدواری آن ری کوئلس رائفلز نا سم کاری دشمن نا 100 ٹینک آتے بھس کرے، پڑآ پنچ دے اسکان بے مٹ دلیری اٹ جنگ تروک آ سوار محمدحسین 22 سال نا وئی ٹی شہید مس، قوم تینا بہادر ہیرو سوار محمدحسین شہید انا قربانی تے مدام یات تخک۔ اسپیکر سردار ایاز صادق سوار محمدحسین شہید(نشانِ حیدر) نا درجہ غاتا بڑزی کن دعاکرے۔