سوار محمدحسین شہید نشانِ حیدر 1971نا جنگ اٹی ہرا دلیری اٹ وطن نا دفاع ءِ کرے او تاریخ نا روشنا بشخ ءِ، بنجائی وزیر ڈاکٹر طارق فضل چوہدری

اسلام آباد۔ 10 دسمبر (اے پی پی) بنجائی وزیر پارلیمانی امور ڈاکٹر طارق فضل چوہدری سوار محمدحسین شہید(نشانِ حیدر) ءِ خراج عقیدت پیش کرسا پارینے کہ او 1971 نا جنگ اٹی دشمن نا خن تیٹی خن تے خلسا ہرا بے مٹ دلیری اٹ وطن نا دفاعءِ کرے او تاریخ نا روشنا بشخ ءِ۔ چارشنبے نادے آ سوار محمدحسین شہید (نشانِ حیدر) نا برسی نا وخت آ ایکس آ تینا کلہواٹی اوپارے کہ نن پاک فوج انا بہادر گلزادہ ءِ سلامِ عقیدت پیش کینہ، خطرہ غاتا پرواہ ءِ کننگ آن بیدس گولہ بارود سرکننگ، ٹھپی آسنگت آتے رکھوک ءُ ہند اسے آ گدریفنگ و دشمن نا ٹھکانہ غاتا پیدواری ءِ کننگ اونا شجاعت نا زندہ درور ءِ، او لمہ وطن نا خاطر تینا جان ءِ قربانی کرسا پک کرے کہ شہیدی نا جوزہ ایمان و غیرت آن ودی مریک ۔ قوم مدام تینا دا ہیرونا بہادری و خذمت ءِ سلام پیش کرسا کیک ۔ ڈاکٹر طارق فضل چوہدری پارے کہ سوار محمدحسین شہید قوم انا است آتیٹی مدام زندہ سلک۔