کشمیر ءِ جیڑھ ءِ سر ءَ راجی یکوئی ءِ ضلورت اِنت، جنوبی ایشیا ءَ امن ءِ واستہ کشمیر ءِ جیڑھ ءِ گیش ءُ گیوار ءِ سر ءَ جھان ءِ گپ ءُ تران، کشمیر ءِ کارانی وفاقی وزیر ءُ گلگت بلتستان ءِ انجینئر امیر مقام

اسلام آباد۔10دسمبر  (اے پی پی): کشمیر ءِ کارانی وفاقی وزیر ءُ گلگت بلتستان ءِ انجینئر امیر مقام ءَ گوشت کہ کشمیر ءِ جیڈھ ءِ سر ءَ راجی یکوئی ءِ ضلورت اِنت۔ راستی ءِ جنگ ءَ پد نوں جنوبی ایشیا ءَ امن ءِ واستہ کشمیر ءِ جیڑہ ءِ گیش ءُ گیوار کنگ ءِ گپ بوہگ ءَ انت۔ پاکستان ءِ تہ ءَ یکیں جیڑھ ءِ سر ءَ گپ جنگ ءِ بدل ءَ ھندی چینل ناجائزیں زورگیریں کشمیر ءَ انسانی ھکانی لگتمالی ءِ سر ءَ دلگوش بہ کن اَنت ۔ مزن وزیر محمد شہباز شریف ءَ ھمک فورم ءَ کشمیر ءِ واستہ توار چست کتگ ۔ چار شمبے ءِ روچ ءَ انسانی ھک آنی جھان ءِ روچ ءِ موہ ءَ انسٹی ٹیوٹ آف انٹرنیشنل ریلیشنز ءِ نیمگ ءَ برجم داشتگیں کانفرنس ءَ گوں گشتانک دیان ءَ وفاقی وزیر امیر مقام ءَ گوشت کہ کشمیر ءِ ھوالگ ءَ ٹیم ورک ءِ رنگ ءَ اگاں ما کار کنگ لوٹ ایں گڑا مارا ایشی ءِ ھوالگ ءَ سنجیدگی ءِ درشان کنگ لوٹ ایت۔ آئی ءَ گوشت کہ مرچی سرجمیں ملک ءَ انسانی ھک آنی میاں اوستمانی روچ ءِ رنگ ءَ دارگ بوھگ ءَ انت وھدیکہ مقبوضہ کشمیر ءَ انسانی ھک آنی لگتمالی بوھگ ءَ انت۔ آئی ءَ گوشت کہ من آزات کشمیر ءَ بوتگ آں ھما وھد ءَ ھال اتک کہ ھندوستان پاکستان ءِ سر ءَ اُرش کنگ ءَ اِنت۔ مئے پیریناں کشمیر ءِ آجوئی ءِ جہد ءَ بہر زرتگ۔ مارا کشمیر ءِ گوں سکیں مھر اِنت۔ کشمیری 70 سال ءَ چہ زلم ءُ زوراکی ءَ برداشت کنگ ءَ انت ۔ کشمیری جنز ءَ شہید بوتگ انت ۔ کشمیری آں گوں پاکستان ءَ مہر مرچی ہم است انت۔ مارا کشمیریانی دلیری ءُ بہادری ءِ حق ءَ مھکم اوشتات کنگی اِنت ءُ وتی توار چست کنگی اِنت۔ آئی ءَ گوشت کہ 10 مئی ءَ بھارت ءَ ھما سبق ءَ چہ پد اود ءِ الس آنی دلیری گیش بوت۔ میان استمانی براتی ءَ سرپد بوت کہ دمگ ءِ امن ءِ ھاتر ءَ اے جیڑہ ءِ گیش ءُ گیوار کنگ لوٹ ایت۔ مارا ھم اے گپ ءَ چہ دلبڈی رستگ۔ اگاں فورسز ءِ بہادری ءُ اسٹریٹجک پلاننگ مہ بیت گڈا آسر یک بلاھے بیت ۔ اے مئے واستا شان ءِ گپے کہ ما چہ وت ءَ بازیں مزنیں لشکر شکست داتگ۔ آئی ءَ گوشت کہ نوں دگنیا ءَ اے فکر گیش بوھگ ءَ انت کہ جنوبی ایشیائی امن ءِ واستہ کشمیر ءِ جیڈھ ءَ را گیش ءُ  گیوار کنگ لوٹ ایت۔ آئی ءَ گوشت کہ سوشل میڈیا ءُ ایکویٹی ایکٹیویسٹ سوشل میڈیا ءِ سر ءَ انسانی ھک آنی واستہ وتی کرد ءَ پیلو بہ کن اَنت ءُ دگنیا ءِ دیم ءَ بھارت ءِ ظلم ءُ زوراکی آناں پدر بہ کن اَنت۔ کشمیر ءِ سر ءَ مارا سیاست کنگ ءَ پھریز بہ بیت۔ یکوئی ءِ روچ ءِ موہ ءَ توامیں فریق آناں دعوت دیان آں کہ کشمیر ءِ واستہ یکوئی ءِ روچ ءَ یکجاہ بہ بنت۔ نوکیں سرکار ءَ آزات کشمیر ءِ سر ءَ بھیسہ گیش بوھگ ءَ اِنت ۔ ایشانی ہر پروگرام ءِ تہا کشمیر پاکستان جوڑ بیت ءِ نعرہ چست کنگ بوہگ ءَ انت کہ اے یک جوانیں دیمروئی یے ۔ آئی ءَ گوشت کہ کشمیر ءِ جیڈھ پارٹی آں چہ ڈن انت، مارا دگنیا ءَ را اے پیش دارگی انت کہ اے مول ءُ  مراد ءِ واستہ ما درست یک ایں ۔ آئی ءَ گوشت کہ حریت کانفرنس ءِ کرد ھم ستا کرز انت۔ حریت ءِ رہشوناں وتی جان پہ کشمیر ءِ ہاترا ندر کتگ۔