نیشنل ہائی وے N-25 مستونگ ءَ چہ چمن ءَ بھر آنی تہ ءَ  کار جاڑی

اسلام آباد۔10دسمبر  (اے پی پی):  نیشنل ہائی وے این 25 مستونگ ءَ تاں چمن ءَ تاں بلوچستان ءِ دیمروئی ءُ  اقتصادی وشھالی ءِ واستہ المی انت ایشی ءِ سر ءَ مرحلہ وار کار برجم انت۔ این 25 ءِ جوڑیشت ءُ  توسیپ ءِ منصوبگ وفاقی ءُ  صوبائی حکومت ءِ نگرانی ءَ برجاہ اِنت وھدیکہ جوڑیشت ءِ ذمہ واری فرنٹیئر ورکس آرگنائزیشن ءِ نیمگ ءَ جوانیں رنگ ءَ پیلو کنگ بوھگ ءَ اِنت۔ اے راجی شاہ راہ مستونگ، کوچلک، کوئٹہ، قیلہ عبداللہ ءُ چمن ءِ ھاسیں شہراں گوں ہمگرنچ کنت۔ این 25 منصوبہ 198 کلومیٹر ءِ دراج انت ءُ  ایشی ءِ تہا سئے بہر ھوار انت۔ اولی بہر چہ مستونگ ءَ بگر داں کوچلک ءَ 88 کلومیٹر اِنت، دومی بہر چہ کوچلک ءَ بگر داں قلعہ عبداللہ ءَ 62 کلومیٹر اِنت ءُ سیمی بہر چہ قلعہ عبداللہ ءَ بگر داں چمن ءَ 48 کلومیٹر اِنت کہ ایشی ءِ تہا 2.5 کلومیٹر ءِ خوجک ٹنل ھم ھوار اِنت۔ اولی بھر ءَ قلعہ عبداللہ ءَ بگر داں چمن ءَ 48 کلومیٹر ءِ سڑک ءَ را میان استمانی تک ءِ رد ءَ گیش کنگ بوھگ ءَ اِنت ءُ  خوجک ٹنل ءِ سر ءَ کار فروری 2025 ءَ بندات کنگ بیت۔ این 25 منصوبگ ءِ سر ءَ سیکورٹی ءِ ذمہ واری پاکستانی فوج ءُ ایف سی بلوچستان (شمالی) ءِ نیمگ ءَ کنگ بوھگ ءَ اِنت کہ آ جوڑیشت ءِ کار ءُ کرد ءُ عمومی ٹریفک ءِ ایمنی ءَ را دل یکیمی کنگ ءَ اَنت۔ مہلوک، حکومت ءُ سیکورٹی ادارگ آنی کمک ءَ چہ دمگ ءَ دیمروئی، امن ءُ اقتصادی وشھالی ءِ علامت ءِ رنگ ءَ ثابت بیت کہ اے بلوچستان ءِ دیمروی ءِ یک پدریں ثبوتے کہ وفاقی، صوبائی حکومت ءُ سیکورٹی ادارگ آنی کمک ءَ چہ بلوچستان ءِ دیمروی   ءِ سہرائیں درور اِت۔