اسلام آباد۔10دسمبر (اے پی پی): سپیکر راجی اسمبلی ءِ سردار ایاز صادق ءَ سوار محمد حسین شہید (نشان حیدر) ءِ 54می شہیدی سالروچ ءِ درگت ءَ آئی ءَ را شگر ءُ منت دیان ءَ گوشت کہ راج ءِ اے بامردیں بچ ءِ مزنیں قربانی ءَ را سلام پیش کناں۔ چار شمبے ءِ روچ ءَ وتی کلوہ ءِ تہ ءَ آئی ءَ گوشت کہ سوار محمد حسین شہید ءِ بہادری …
سپیکر راجی اسمبلی ءِ سردار ایاز صادق سوار محمد حسین شہید نشان حیدر ءِ 54 شہیدی سالروچ ءِ درگت ءَ آئی ءَ را توسیپ ءُ ستا
گیشتریں ھال
اسلام آباد۔10دسمبر (اے پی پی): سپیکر راجی اسمبلی ءِ سردار ایاز صادق ءَ سوار محمد حسین شہید (نشان حیدر) ءِ 54می شہیدی سالروچ ءِ درگت ءَ آئی ءَ را شگر ءُ منت دیان ءَ گوشت کہ راج ءِ اے بامردیں بچ ءِ مزنیں قربانی ءَ را سلام پیش کناں۔ چار شمبے ءِ روچ ءَ وتی کلوہ ءِ تہ ءَ آئی ءَ گوشت کہ سوار محمد حسین شہید ءِ بہادری پاکستان ءِ فوجی راجدپتر ءِ تہ ءَ یک رژنائیں بابے انت۔ سوار محمد حسین شہید ءَ 1971 ءِ جنگ ءَ بہادری ءُ مزن جگری ءِ مثال داتگ۔ شکر گڑھ سیکٹر ظفروال ءَ دژمن ءَ مزنیں تاوانے دات۔ نزیک ءَ میتگ ہرار خرد ءَ سوار محمد حسین شہید ءَ دژمن ءِ ٹینک ءَ را ٹک ءُ نشان کتگ ، آئی ءَ گوشت کہ سوار محمد حسین شاہ ءِ سوج ءُ سر ءَ ریکول لیس رائفل آنی تیرگواری ءَ چہ دژمن ءِ 100 ٹینک تباہ کنگ بوتگ انت۔ سوار محمد حسین ءَ کہ پنچ روچ ءَ جنگ ءِ سرا بے دروریں دلیری ءَ گوں جنگ کتگ ات 22 سال ءِ عمر ءَ شہید بوتگ ات۔راج ءَ وتی بہادریں سوار محمد حسین شہید ءِ قربانی مدام یات بنت۔ چیف آف اسٹاف ایاز صادق ءَ سوار محمد حسین شاہی (نشان حیدر ) ءِ رُتبہ ءِ برز کنگ ءِ دعا کتگ۔
