اسلام آباد۔10دسمبر (اے پی پی): وفاقی تہی کارانی وزیر محسن نقوی ءَ شہیدی ءِ روچ ءِ درگت ءَ پاک فوج ءِ بہادریں بچ سوار محمد حسین شہید ءَ را سلامی دات ءُ آئی ءَ را شگر ءُ منت دات۔ محسن نقوی ءَ وتی گشتانک ءِ تہ ءَ گوشت کہ ھما بہادریں سپاھیگ ءَ را شگر ءُ منت درشان کنگ ءَ آں آئی ءَ شاکر گڑھ ءِ محاذ ءِ سر …
وفاقی وزیر داخلہ محسن نقوی پاک فوج ءِ بہادریں بچ سوار محمد حسین شہید ءَ را سلام ءُ توسیپ ءُ ستا پیش کنت
گیشتریں ھال
اسلام آباد۔10دسمبر (اے پی پی): وفاقی تہی کارانی وزیر محسن نقوی ءَ شہیدی ءِ روچ ءِ درگت ءَ پاک فوج ءِ بہادریں بچ سوار محمد حسین شہید ءَ را سلامی دات ءُ آئی ءَ را شگر ءُ منت دات۔ محسن نقوی ءَ وتی گشتانک ءِ تہ ءَ گوشت کہ ھما بہادریں سپاھیگ ءَ را شگر ءُ منت درشان کنگ ءَ آں آئی ءَ شاکر گڑھ ءِ محاذ ءِ سر ءَ دلیری ءِ نوکیں راجدپتر جوڑ کتگ۔ محسن نقوی ءَ سوار محمد حسین شہید ءِ ھزمت آنی توسیپ کنان ءَ گوشت کہ سوار محمد حسین شھاد ءَ گوں سٹیل ءِ جزم ءَ دژمن ءِ ھلاپ ءَ جنگ کتگ۔ آئی ءَ گیش گوشت کہ سوار محمد حسین دژمن ءِ چیر اندریں جاہ آنی پجار کنگ ءِ ھاترا وتی جان ءِ رکھینگ ءِ نہ ترسی ءَ گوں دژمن ءِ جاہ ءُ مقامانی بابت ءَ سرجمیں سرپدی داتگ۔ محسن نقوی ءَ گوشت کہ سوار محمد حسین ءِ شھادت ءِ راستیں پجار ءَ چہ پاکستانی لشکر ءِ پیشگی موثر جوڑ بوت۔ وزیر داخلہ ءَ سوار محمد حسین ءِ قربانی ءَ را شگر ءُ منت دیان ءَ گوشت کہ آس ءُ آسن ءَ چہ زندگ بوتگیں سوار محمد حسین ءَ داں گڈی ساہ ءَ دژمن ءِ توپک ءِ پوزیشن آنی نشاندہی کنان ءَ شہیدی ءِ پیالہ وارت۔ محسن نقوی ءَ گوشت کہ سوار محمد حسین ءِ شھیدی پاک فوج ءِ ھمک فوجی ءِ واستہ یک رژنائیں حوالہ ءِ جوڑ بوتگ۔ آئی ءَ اے گپ ءِ سر ءَ زور پر دات کہ سوار محمد حسین ءِ پاکستان ءِ دژمنانی ھلاپ ءَ جنگ یک پدّریں مثالے کہ مئے ھمک سپاھیگ ملک ءِ واستہ وتی جان ءِ ندر کنگ ءَ شرپ لیک ایت۔
