بے نظیر انکم سپورٹ پروگرام اٹی شفاف نظام ننا اولیت ءِ، سینیٹر روبینہ خالد

اسلام آباد۔ 09 دسمبر (اے پی پی) چیئرپرسن بے نظیر انکم سپورٹ پروگرام سینیٹر روبینہ خالد پارینے کہ شفافیت ، دیانتداری و احتساب ہی سوگو پاکستان نا بنداو ءِ، بے نظیر انکم سپورٹ پروگرام اٹ شفاف نظام ننا اولیت ءِ، وڈی خوری نا برخلاف زیروٹالرنس پالیسی آ سختی اٹ عمل کننگ ءِ۔ جہانی یوم انسداد وڈی خوری نا وخت آ جاری تینا کلہو اٹی سینیٹر روبینہ خالد پارے کہ وڈی خوری ملک انا شونداری ٹی غٹ آن بھلا اڑاند ءِ، دانا چٹفنگ کن اجتماعی کوشست المی ءِ، الس نا وسیلہ غاتیٹی خیانت ناقابل معافی ڈوہ اسے، کرپشن نا برخلاف جنگ اٹی ہر شاری نا کڑد اہم ءِ۔ سینیٹر روبینہ خالد پارے کہ دیانتدار نظام ہی نیزگار الس ءِ حقی آسراتی فراوان کننگ کیک، ورناچین ءِ وڈی خوری نا برخلاف مون آ ہنوئی مریک، ساف ستھرا نظام ہی پت و شونداری نا ضمانت ءِ۔ اوپارے کہ بی آئی ایس پی امداد شفاف ترسیل نظام نا کمک اٹ حقدار آتسکان براہ راست سرکننگ انگ ءِ۔