سرمایہ کاری ءِ وفاقی وزیر قصری احمد شیخ ءَ  گوں  ہیبے  چینی ڈل ءَ گوں گند ءُ نند، سرمایہ کاری ءِ امیت آنی سر ءَ ھیال ریچی

اسلام آباد۔9دسمبر  (اے پی پی): سرمایہ کاری ءِ وفاقی وزیر قصری احمد شیخ ءَ سئے شمبے ءِ روچ ءَ جوہانگ انرجی ٹیکنالوجی ءِ مزن تک ءِ ڈل ءَ گوں گند ءُ نند کتگ ءُ پاکستان ءَ ارباں ڈالر ءِ سرمایہ کاری ءِ موہ آنی بابت ءَ گپ ءُ تران کتگ۔ سرمایہ کاری ءِ وفاقی وزیر قصری احمد شخا ءَ چیک کمپنی ءِ پیش کرتگیں سرمایہ کاری منصوبگ پیش کنان ءَ گوشت کہ پاکستان توانائی، ٹیکنالوجی، زرعی نوآبادیاتی ءُ صنعتی دیمروئی ءِ شوبگ آنی تہ ءَ درملکی سرمایہ کار آنی واستہ جوانیں موہ پجاری کنگ ءَ انت۔ آئی ءَ اے گپ ءِ سر ءَ زور پر دات کہ پاکستان ءِ آیوکیں توانائی ءِ نظام ءِ واستہ شمسی توان ءُ ایشی ءَ گوں سیادی داروکیں ٹیکنالوجی آنی تہ ءَ سرمایہ کاری سک باز ارزشتی اِنت۔ وزیر ءَ گوشت کہ سرمایہ کاری بورڈ ھاسیں اقتصادی زون ءِ ھوالگ ءَ سرمایہ کار آناں سرجمیں رہشونی کنگ ءَ اِنت، ایشی ءِ تہ ءَ سرمایہ کار 10سال ءِ واستہ انکم ٹیکس ءِ رعایت ءَ ھوار بے دروریں   ھیل کاری  آنی اہل اَنت۔ آئی ءَ گوشت کہ ملک ءَ اقتصادی برجائی ئُُ جوانیں سرمایہ کاری ئِ موسم پُلگ بوتگ، حکومت کاروباری برات آناں گیشاں چہ گیش آسراتی پجاری ئِ واستہ جزمیگ اِنت۔ قصرہ احمد شخار ءَ گیش گوشت کہ کاروباری آسراتی مرکز ءِ چیر دستی ءَ سنگل ونڈو سسٹم ءَ سرمایہ کار آناں ترندیں منظوری، دستاویزات ءِ رسائی ءُ کاروباری آسراتی رسگ ءَ انت۔ آئی ءَ گوشت کہ اے اصلاحات آنی برج ءَ پاکستان پڑ ءَ یک دلکشیں سرمایہ کاری مرکز ءِ رنگ ءَ سہرا بوھگ ءَ انت۔ وزیر ءَ ستمبر 2025 ءَ برجم داشتگیں چین بی ٹو بی سرمایہ کاری کانفرنس ءِ آسر آنی ھم ھال دات کہ ایشی ءِ آسر ءَ پاکستان ءُ چین ءِ نیام ءَ بازیں یکجائی منصوبگ جوڑ بوھگ ءَ اَنت ءُ وت مہ وتی اقتصادی سیادی پیسر ءَ چہ گیش مھکم بوھگ ءَ اَنت۔ وفاقی وزیر ءَ گوشت کہ سرمایہ کاری بورڈ آئی ءِ سروکی ءَ سرمایہ کاری ءِ دیمروئی، شفافیت، کاروباری آسراتی ءُ میاں اوستمانی سرمایہ کار آنی واستہ جوانیں چاگرد ءِ پجارینگ ءِ واستہ سرجمی ءَ جزم اِنت۔