مزن وزیر ورنا پروگرام لاہور قلندرز ءِ کمک ءَ سرکاری رنگ ءَ ٹرافی ءِ رونمائی کت، مراگش ءِ بندوبست

اسلام آباد۔9دسمبر  (اے پی پی): مزن وزیر یوتھ پروگرام ءَ لاہور قلندرز ءِ کمک ءَ پاکستان ءِ راجدپتر ءِ مزنیں راجی کرکٹ ٹیلنٹ ءِ شناخت ءِ منصوبگ ءِ مزنیں سنگ میل ءِ رنگ ءَ سئے شمبے ءِ روچ ءَ ادا ٹرافی ءِ پچ کنگ ءُ ٹیلنٹ ءِ دلبڈی ءِ مراگش ءِ برجم داشت۔ اے مراگش اے ورنائیں کرکٹر آنی محنت ءِ شناخت اِنت کہ آہاں اوپن ٹرائلز ءَ چہ صوبائی ٹورنامنٹ ءُ پدا راجی چیمپئن شپ ءَ تاں جتا جتائیں پڑ آنی سر ءَ مشتمل یک مشکلیں سفر ءَ را سوبمندیں رنگ ءَ سرجم کتگ۔ مزن وزیر ورنا پروگرام ٹیلنٹ ہنٹ نیشنل لیگ  2025 اے وھد ءَ اسلام آباد ءِ دو جاہ آنی سر ءَ برجم دارگ بوھگ ءَ اِنت کہ ایشی ءِ تہ ءَ 10مردم ءُ 8 زالبول ءَ ھوار 18 ٹیم جتا جتائیں وھد ءَ مقابلہ کنگ ءَ اَنت۔ اے مراگش ءِ برجم دارگ ءِ ھاترا ھما مرد ءُ زالبولیں کھڈکارانی دلبڈی دیگ بوھگ ءَ اِنت کہ آ میرٹ ءِ بنیاد ءَ شفاف ءُ سختیں عمل ءَ چہ گوزگ ءَ پد اے جاہ ءَ سر بوتگ اَنت۔ اے عمل ءِ بندات چہ سرجمیں ملک ءَ پچیں آزمائشاں بوتگ ءُ ایشی ءَ پد 25 روچی صوبائی ٹورنامنٹ بوتگ۔ اے آزمائش ملک ءِ جنوبی ضلعاں بگر داں شمالی دمگاں برجم دارگ بوتگ انت کہ ایشی ءِ تہا 15 ءَ بگر داں 25 سال ءِ عمر ءِ لکھاں ورنائیں کھڈکاراں بہر زرتگ ءُ اے پاکستان ءِ ورنا آنی آبادی ءِ راجدپتر ءِ مزنیں اسپورٹس ایونٹ آنی تہ ءَ یکے بوتگ۔ آزمائشانی پد ءَ 25 روچ ءِ تہ ءَ 100 صوبائی میچ برجم دارگ بوتگ اَنت کہ ایشی ءِ تہ ءَ مردین ءُ جنینانی مقابلہ جتا جتا برجم دارگ بوتگ اَنت۔ اے مقابلہانی بنیاد ءَ پنجاب، سندھ، بلوچستان، خیبر پختونخوا ءُ گلگت بلتستان/فیڈرل/کشمیر ءَ چہ پنچ مردین ءُ پنچ زالبولیں ٹیم جوڑ کنگ بوتگ کہ چہ ایشاں جوانیں کھڈکار نوں راجی تک ءَ وتی وتی صوبہ آنی نمائندگی کنگ ءَ اَنت۔ پروگرام ءِ دراجیں مدتی دیمروئی منصوبگ ءِ رد ءَ راجی ٹیم ءِ ٹاپ 12 مرد ءُ ٹاپ 12 زالبولیں کھڈکار لاہور قلندر ہائی پرفارمنس سینٹر ءَ داخل کنگ بنت، ایشی ءِ تہ ءَ آھاں را میاں اوستمانی کرکٹ ءِ واستہ تیار کنگ ءِ واستہ مزنیں تک ءِ تربیت ءُ سرپرستی دیگ بیت۔ مزن وزیر ءِ ورنا پروگرام ءِ چیئرمین رانا مشہود احمد خان ءَ اے موہ ءِ سر ءَ گوشت کہ اے منصوبگ ورنا آناں بااختیار جوڑ کنگ ءِ تہ ءَ مزنیں راجی سرمایہ کاری ءِ علامت اِنت۔ آئی ءَ گوشت کہ اے منصوبگ ورنا آنی توانائی ءُ دیمروئی ءِ واستہ مزنیں راجی سرمایہ کاری انت۔ ما سرجمیں پاکستان ءِ لاکھوں ورنا کرکٹر آناں پیسر ءَ چہ گیش ھاسیں، مھکم ءُ گیش رسائی ءِ پلیٹ فارم داتگ کہ آ محنت ءُ جزم ءِ بنیاد ءَ دیم ءَ روگ ءَ گندگ بنت۔ من ءَ اے گندگ ءَ فخر اِنت کہ اے ساپ ءُ سلہ ایں راہ ءِ وسیلگ ءَ ہر صوبہ ءِ ٹیلنٹ راجی تک ءَ سر بوتگ۔ لاہور قلندرز ءِ سی ای او عاطف نعم رانا ءَ گوشت کہ مزن وزیر ءِ ورنا پروگرام ءِ گوما مئے شریکداری ءَ چہ کھڈکار آنی دیمروئی ءِ واستہ یک بامرد ءُ سرجمیں پلیٹ فارم ءِ پجارینگ بوتگ۔ اے ملک ءِ کوشستاں چہ دراتکگیں ٹیلنٹ سک باز تاثر انگیز انت ءُ اے گپ ءَ پدر کنت کہ آئی ءِ اثر کجام وڑ ءَ طاقتور انت وھدے کہ موہ ءِ سرا جہل ءِ تک ءَ گیش کنگ بیت۔ راجی میچ جاری انت ءُ 9دسمبر ءَ ٹرافی ءِ پدر کنگ ءَ گوں اے پاکستان ءَ ورنا کرکٹر آنی منظم دیمروئی ءِ نیمگ ءَ یک پائدگ مندیں گامگیج جوڑ بوتگ۔