وزیراعظم آزاد کشمیر فیصل ممتاز راٹھور تون قائد حزب اختلاف شاہ غلام قادر نا اوڑدہی

اسلام آباد۔ 09 دسمبر (اے پی پی) آزاد جموں وکشمیر نا وزیراعظم فیصل ممتاز راٹھور تون قائد حزب اختلاف شاہ غلام قادر اوڑدہی کرے۔ داڑے جاری بیان نا رداٹ ہڑتوم آ راہشون تا نیام اٹ تین پہ تینی است خواہی نا امور و ریاست نا جم سیاسی حالیت آتیا گپ وتران مس۔ اوڑدہی ٹی چیف الیکشن کمشنر آزاد کشمیر نا تقرری نا بابت گپ وتران مس۔ ہڑتوم آ راہشونک امنا کریر کہ غٹ سیاسی جماعت آتون اسہ ہفتہ ٹی سلابت کننگک۔ چیف الیکشن کمشنر کن پن زوت گدریفنگک۔ ہڑتوم آ راہشونک امنا کریر کہ آزاد کشمیر اٹی بروک آ گچین کاری تخوک آ وخت آمریرہ۔ گچین کاری تے آجو، انصاف اٹ و بے کنڈہلوک کننگ نا بابت حکومت و اپوزیشن تینا تینا زمواری تے پورو کیرہ۔ یات سلے کہ اپوزیشن لیڈر شاہ غلام قادر چیف الیکشن کمشنر آزاد کشمیر نا تعیناتی کن تحریک کننگ نا بابت وزیراعظم آزاد کشمیر ءِ مکتوب اس نوشتہ کریسس ہرانا رداٹ اوڑدہی مس۔