حج 2026، پرائیویٹ حاجی تا حج خڑچ و منیٰ ٹی پلاٹ یا سروس آتا بکنگ کن شیڈول جاری

اسلام آباد۔ 09 دسمبر (اے پی پی) وزارت مذہبی امور حج 2026 کن پرائیویٹ حج آپریٹرآتیان پرائیویٹ حاجی تا حج خڑچ و منیٰ ٹی پلاٹ یا سروس آتا بکنگ کن شیڈول جاری کرینے، عدم ادائیگی نا دروشم اٹی تعلقدار ٹورآپریٹر نا لیسن ءِ منسوخ کننگک۔ وزارت مذہبی امور نا ترجمان نا رداٹ پرائیویٹ حج آپریٹر آتے معلومدار کننگانے کہ بنجائی کابینہ غان منظور مروک حج پالیسی 2026 نا رداٹ سعودی ای والٹ اٹی پرائیویٹ حاجی تا جملہ خڑچ برائے حج 2026جمع کرفنگ نا آخیریکو تاریخ 31 دسمبر 2025 مقرر کننگانے، ہنداسوب آن غٹ حج آپریٹر آتے پارت کننگانے کہ حج پیکج نا 100 درسد زر تینا تعلقدار سعودی اکاؤنٹ اٹی جمع کرفر۔ داکان بیدس، پرائیویٹ حج ٹور آپریٹرآتا کنڈآن منیٰ نا ڈغار، پلاٹ و سروس بک کرفنگ نا آخیریکو تاریخ 21 دسمبر 2025 ءِ، ہنداسوب آن پلاٹ و سروس بک کرفنگ نا شاہدی 15 دسمبر اسکان ہرحال اٹ وزارت مذہبی امور ءِ فراوان کننگے تانکہ بے سہب مروک آ حج آپریٹر آتا کوٹہ وخت آ سرسہب حج آپریٹر ز و سرکاری اسکیم آ گدریفنگ مرے، زر انا عدم ادائیگی نا دروشم اٹ زہمی مروک آ حاجی تا غٹ تر زمواری تعلقدار حج آپریٹر آتیا مریک، عدم ادائیگی نا دروشم اٹی تعلقدار نادہندہ ڈی ایچ سی نا کوٹہ و جمع مروک زر سرسہب ٹور آپریٹر یا سرکاری اسکیم ءِ تننگک، بے سہب حج آپریٹر نا نئے بیرہ لیسن منسوخ کننگک بلکن آخبت بطور حج آپریٹر کاریم کننگ آ پابندی ہم خلنگک، جملہ مالی زر داکان مست داخلہ شدہ بحق سرکار ضبط کننگک۔