پاکستانی فوج ءُ آئی ءِ سروک ءِ سرا ایراد بلیک میل کنگ اِنت، کسے ءِ شانک ءَ نشتگیں اقتدار ءَ سر بوتگیں مردم نوں ادارہانی سرا ایراد گرگ ءَ اَنت، طلال چوہدری ءِ ویڈیو بیان

اسلام آباد۔ 8دسمبر (اے پی پی): وزیر مملکت ءِ تہی کار طلال چوہدری ءَ گوشت کہ پاکستانی اُرد ءُ آئی ءِ سروک ءِ سر ءَ ایراد گرگ بلیک میل کنگ اِنت، اے مردم پدا کسے ءِ شانک ءِ وسیلگ ءَ اقتدار لوٹ اَنت، آ کہ کسے ءِ شانک ءِ سر ءَ نندگ ءَ چہ اقتدار ءَ سر بوتگ اَنت نوں ادارگ آنی سر ءَ ایراد گرگ ءَ اَنت، پاکستان آرمی ءَ کہ تنقید کتگ ات، بس ءَ دژمن ءَ را شکست داتگ ات۔ تحریک انصاف ءِ پشاور جلسہ ءَ ہر روچ تحریک انصاف ءِ ایکس ہینڈل ءِ بانی ملک ءِ ادارہانی سرا ایراد گرگ بیت، داں کدی کسے بے توار بوت کنت۔ وتی ویڈیو بیان ءِ تہا طلال چوہدری ءَ گشتگ کہ پشاور ءَ پی ٹی آئی ءِ جلسہ ءَ مہلوک ءَ آئی ءِ جاور دیستگ انت، پشاور ءِ جلسہ ءَ بدکاری ءُ تنقید ءَ ابید دگہ ہچ نہ بوتگ، ڈی جی آئی ایس پی آر ءَ آئی ءِ بابت ءَ چے گشتگ یک ضرب المثل ءِ دروشم ءَ پشاور ءِ جلسہ ءَ اے گپ ثابت کتگ کہ آ اصل ءَ یک انت۔ وزیر مملکت ءَ پی ٹی آئی ءِ سر ءَ سکیں ایراد گرگ ءِ وھد ءَ گوشت کہ ایوک ءَ یک ذھنی نادراہ یے کہ وت ءَ را گیشتریں المی ءُ المی لیک ایت آ مردم بوت کنت، نوں آئی ءَ را گپ ءُُ تران ءِ واستہ دعوت دیگ نہ بیت۔ وزیر مملکت ءَ گوشت کہ اے مردم اڈیالہ جیل ءَ بندیں دگہ بندیگ آنی واستہ ھم ھترہ جوڑ بوھگ ءَ اَنت۔ اگاں نوں آ اڈیالہ ءِ دپ ءَ وتی دیم ءَ پیش دار اَنت ءُ زندان ءَ بندیں دگہ بندیگاں ھترہ جوڑ بہ بنت گڑا بندیگ ھما جاہ ءَ دارگ بنت کہ آ امن اَنت ءُ جادوگراں گْوشگ بیت کہ قانون چون نفاذ کنگ بیت۔ اے پارٹی ءِ فطرت پاکستان ءِ ادارہانی سرا ایراد گرگ انت۔ ذہنی نادراہ ہچبر ملک ءِ حق ءَ گپ نہ جنت۔ ذہنی نادراہ ءَ چہ کس ءَ نپ نہ رسیت۔ اگاں تئی کندگ مہ بوتیں گڑا تو مزن وزیر ھم جوڑ نہ بوتگ ئے۔ ھما کہ ہری پور ءِ گچینکاری ءَ سوبمند نہ بنت آ لاہور ءُ فیصل آباد ءَ چوں مقابلہ کن اَنت؟