وزیر دفاع خواجہ محمد آصف ءَ تاجکستان ءِ سفیر شریف زادہ یوسف توویر ءَ گوں گند ءُ نند

اسلام آباد۔ 8دسمبر (اے پی پی): وزیر دفاع خواجہ محمد آصف ءَ تاجکستان ءِ سفیر شریف زادہ یوسف تویر ءَ گوں اسلام آباد ءَ گند ءُ نند کتگ۔ وزیر دفاع خواجہ محمد آصف ءَ گوشت کہ پاکستان دوئیں ملک آناں نزیک کنگ ءِ واستہ بے دروریں وت مہ وتی نیک راھی ءُُ مفاہمت ءِ بنیاد ءَ نزیکیں دوستی ءِ سیادی ءَ را ارزشت دنت۔ گند ءُُ نند ءِ تہ ءَ دو نیمگی دفاع، ہوا بازی ءُُ اقتصادی کمک ءِ ھوالگ ءَ جیڈھ آنی سر ءَ ھیال ریچی کنگ بوت۔ وزیر دفاع ءَ پاکستان ءِ دراھیں بقایا دمگی جیڈھ آناں پرامنیں رنگ ءَ گیواری ءِ واستہ جزم ءِ ھم پدر کت ءُ دمگ ءَ امن ءُ اقتصادی سیادی ءِ دیمروئی ءِ واستہ تاجکستان ءِ کوشست آناں ساڑات۔ تاجک سفیر ءَ دوئیں ملک آنی الس آنی نیام ءَ استیں براتی سیادی آنی سر ءَ زور پر دات ءُ وتی حکومت ءِ پاکستان ءِ گوما وت مہ وتی مفاد ءِ جتا جتائیں پڑ آنی تہ ءَ کمک ءِ واستہ وتی حکومت ءِ دل یکیمی دات۔