پاکستان سوڈانی میڈیکل اسٹاف ءِ تربیت کنگ ءِ واستہ تیار اِنت، زانت ءُ تجربہ ءِ بدلی ءَ را دیم ءَ برگ ءِ واستہ تیار اِنت، سید مصطفی کمال

اسلام آباد۔8دسمبر  (اے پی پی): جان سلامتی ءِ وفاقی وزیر سید مصطفیٰ کمال ءَ گوشت کہ پاکستان سوڈان ءِ گوما وتی براتی سیادی ءَ را سک باز ارزشت دنت ءُ جان سلامتی ءِ شوبگ ءَ پاکستان ءِ گوما کمک ءَ را مھکم کنگ ءِ واستہ سوڈان ءِ واھشت ءِ ستا ءَ کنت۔ اے ھیالانی درشانی آئی ءَ دو شمبے ءِ روچ ءَ سوڈان ءِ مزن تک ءِ ڈل ءَ گوں گند ءُ نند ءِ ساھت ءَ کت۔ وفاقی وزیر جان سلامتی ءَ سوڈان ءِ گوما جان سلامتی ءِ شوبگ ءَ کمک ءَ را گیش مھکم کنگ ءِ پاکستان ءِ عزم ءِ سر ءَ زور پر دات۔ پاکستان سوڈانی طبی کارندہ آنی تربیت، ماہرین ءُ تجربہ ءِ تبادلہ ءَ را دیم ءَ برگ ءِ واستہ تیار انت۔ پاکستان کمک ءَ را کجام ھم خاصیں شوبگ ءَ تاں محدود کنگ نہ لوٹ ایت۔ آئی ءَ گوشت کہ دوا ءُ درمان، طبی سامان ءُ ریگولیٹری معاملہ ڈراپ ءِ چیر دستی ءَ کیت، پاکستان ڈبلیو ایچ او ریگولیٹری میچورٹی لیول 3 ءِ سر ءَ سر بوھگ ءِ نیمگ ءَ پیشرفت کنگ ءَ اِنت، ءُ پاکستان ءَ میڈیکل ٹورزم ءِ دیمروئی ءِ واستہ جزم اِنت۔ آئی ءَ گوشت کہ ویزا ءِ آسراتی ءِ جیڈھ پاکستانی سفارتخانہ ءِ گوما شور ءُ سلاھ ءَ دیم ءَ برگ بنت، ءُ وزارت ءِ درئی کار جوانیں ءُ وھد ءِ سر ءَ پیشرفت ءِ واستہ یک مفاہمت نامہ ءِ سر ءَ دستخط کنگ ءِ عمل ءَ را ترند کنت۔ آئی ءَ گوشت کہ پاکستان ایمرجنسی ریسپانس، بحالی، صلاحیت سازی ءُ دراجیں مدت ءِ شریکداری ءِ واستہ سرجمیں کمک ءَ برجاہ دار ایت۔ گند ءُ نند ءَ سوڈان ءِ ڈل ءَ وفاقی وزیر جان سلامتی ءَ را ملک ءَ جان سلامتی ءِ شوبگ ءَ برجاھیں چیلنج آنی بابت ءَ سرپد کت ءُ گوشت کہ سوڈان ءَ آیوکیں پنچ سال آنی واستہ یک جامع حکمت عملی ءِ تیار کتگ ایشی ءِ تہ ءَ جان سلامتی ءِ 45منصوبگ آنی کساس ھوار انت۔ آئی ءَ جان سلامتی ءِ شوبگ ءِ بحالی ءُ نوک جوڑیشت، طبی آلات ءُ ٹیکنالوجیز ءِ پھجاری ءِ تہ ءَ پاکستان ءِ کمک ءِ لوٹ کتگ۔ آ جان سلامتی ءِ مراگش آنی تہ ءَ شمسی توانائی ءِ بحالی ءُ ادارگی کمک ءِ دیمروئی ءِ واستہ پاکستان ءِ کمک لوٹگ ءَ اَنت۔ سوڈان ءِ ڈل ءَ پاکستان ءِ برجاھیں کمک ءَ را ساڑات ءُ گوشت کہ اے تر ءُ تاب ءَ چہ دوئیں ملک آنی نیام ءَ گہتریں رابطہ ءُ جوانیں شریکداری ءِ سبب جوڑ بیت۔ اے موہ ءِ سر ءَ وفاقی سیکرٹری جان سلامتی حامد یعقوب ءُ وزارت ءِ مزنیں افسر ھم ساڑی بوتگ اَنت۔