مزن وزیر محمد شہباز شریف ءَ انڈونیشیا ءِ صدر ءِ پاکستان ءِ اولی سرکاری تر ءُ تاب ءَ وش آتک کتگ

اسلام آباد۔8دسمبر  (اے پی پی): مزن وزیر محمد شہباز شریف ءَ انڈونیشیا ءِ صدر پرابووو سوبیانتو  ءَ را پاکستان ءِ اولی سرکاری تر ءُ تاب ءَ وش آتک کتگ ءُ گوشت کہ آئی ءَ را وش آتک کنگ آئی ءِ واستہ شرپ ءِ گپ اِنت۔ مزن وزیر ءَ پراٹ کاکس بازار ءَ وتی گشتانک ءِ تہ ءَ گوشت کہ پاکستان ءُ انڈونیشیا وت مہ وتی ءِ شرپ ءُ یکوئی، یکجائی راجدپتر ءُ گہتریں دود ءُ ربیدگی سیادی ءِ بنیات ءَ دوستی ءِ مھکمیں سیادی ءِ بندوک اَنت۔ آئی ءَ گوشت کہ ما انڈونیشیا ءِ صدر ءِ تر ءُ تاب ءِ ساھت ءَ بامردیں رابطہ ءُ گند ءُ نند آنی ودار ءَ ایں ءُ ایشی ءِ وسیلگ ءَ ما وتی دیریں شریکداری ءَ را گیش مھکم کن ایں ۔