اسلام آباد۔ 08 دسمبر (اے پی پی) بنجائی وزیر امور کشمیر، گلگت بلتستان و سیفران انجینئر امیر مقام تون نادرا خیبرپختونخوا نا ڈائریکٹر جنرل و چیف آپریٹنگ آفیسر کے پی وزارت اٹی اوڑدہی کرے۔ داڑے جاری بیان نا رداٹ اوڑدہی ٹی چندی برجا و پوسکن ڈٹ آتیا سرجمی اٹ گپ وتران کننگا۔ بنجائی وزیر انجینئر امیر مقام نادرا میگا سینٹر سوات آ دمدستی وڑاٹ کاریم نا بناءِ کننگ ناپارت …
بنجائی وزیر انجینئر امیر مقام تون نادرا خیبرپختونخوانا ڈائریکٹر جنرل و چیف آپریٹنگ آفیسر کے پی نا اوڑدہی
گیشتریں ھال
اسلام آباد۔ 08 دسمبر (اے پی پی) بنجائی وزیر امور کشمیر، گلگت بلتستان و سیفران انجینئر امیر مقام تون نادرا خیبرپختونخوا نا ڈائریکٹر جنرل و چیف آپریٹنگ آفیسر کے پی وزارت اٹی اوڑدہی کرے۔ داڑے جاری بیان نا رداٹ اوڑدہی ٹی چندی برجا و پوسکن ڈٹ آتیا سرجمی اٹ گپ وتران کننگا۔ بنجائی وزیر انجینئر امیر مقام نادرا میگا سینٹر سوات آ دمدستی وڑاٹ کاریم نا بناءِ کننگ ناپارت جاری کرے۔ بنجائی وزیر شاہ پور، دندئی، کروڑا، اُلندر و تورڈھیر صوابی ٹی نادرا ہند آتیکن جوان ماڑی تیا کاریم نا بناءِ کننگ نا پارت جاری کرے۔ شاری تا آسراتی کن خورک آسامی تے دمدستی پُرکننگ نا پرمان ہم جاری کننگا۔ انجینئر امیر مقام اپردیر اٹی اخگرام ، صاحب آباد و سوات اٹی کوکارئی، تلیگرام و شانگلہ ٹی لیلونئی، پشلوڑ و بلگرام اٹی پوسکن نادرا ہند آتا جوڑ کننگ نا ہم پارت کرے تانکہ الس ءِ شناختی خذمت اسکان آسان رسینگ فراوان کننگ مرے۔
